𝗗Í𝗟𝗜, 𝗠𝗝 — 𝗦𝗲𝗴𝘂𝗻𝗱𝗮-𝗳𝗲𝗶𝗿𝗮, 𝟭𝟬 𝗔𝗴𝗼𝘀𝘁𝘂 𝟮𝟬𝟮𝟲, Ministru Justisa, Dr. Sérgio de Jesus Fernandes da Costa Hornai, hala’o reuniaun ho Responsável ba Operasaun no Xefe Interinu Missaun Rezidente Banku Dezenvolvimentu Aziátiku (ADB) iha Timor-Leste, Michael Joseph Walsh, iha sala Gabinete Ministru Justisa, Minsitériu Justisa, Kolmera, Díli.

Objetivu hosi reuniaun ne’e, atu asegura servisu justisa ne’ebé efetivu, transparente no responde ba nesesidade povu. Nune'e mós hametin kooperasaun no parseria estratéjika dezenvolvimentu Nasional iha Timor-Leste.

Iha reuniaun ne’e, parte rua fó atensaun ba oportunidade kooperasaun foun no apoiu ADB ba prioridade Governu, ADB mós reafirma kompromisu atu kontinua apoia esforsu Governu Timor-Leste no implementasaun programa dezenvolvimentu ne’ebé sustentável no fó benefísiu ba povu.