Asuntu : MINISTÉRIU EDUKASAUN NO CFP HALO ABERTURA BA KURSU FORMASAUN PREPARATÓRIU BA PROFESÓR FOUN HAMUTUK NAI’N 178 Sua Exelénsia Ministra Edukasaun, Dra. Dulce de Jesus Soares, hamutuk ho Prezidente Komisaun Funsaun Públika, Sr. Agostinho Letêncio de Deus no Prezidente INFORDEPE, Sr. Domingos Martins, halo abertura ofisiál faze III ba formasaun preparatóriu ba manorin hamutuk na’in 178, hanesan manorin na’in ba Ensinu Báziku husi Bolsa Kandidatu ba territóriu Timor-Leste tomak. Serimónia abertura ne’e hala’o iha Salaun Ian Martin INFORDEPE. Iha diskursu, Sua Exelénsia Ministra Edukasaun, Dra. Dulce de Jesus Soares, hateten, ho haksolok ohin hasoru malu ho imi ohin dadeer iha INFORDEPE, hodi hala'o abertura ofisiál ba faze III husi Kursu Formasaun Edukasaun nian, ne'ebé ohin simu profesór foun sira husi Edukasaun Bazika husi munisípiu hotu iha Timor-Leste tomak. Kursu ida-ne'e reflete kompromisu ida husi Ministeriu Edukasaun ba futuru Timor-Leste nian, tanba prepara profesór sira ba servisu foun ida, liuliu implementasaun polítika estratéjika Ministeriu Edukasaun nian, ne'ebé inklui iha Programa Governu Konstitusionál da-9 nian, ne'ebé tau profesór sira iha sentru prioridade sira husi Governasaun. “Kursu Formasaun ba Edukasaun ne'e dezeña atu prepara ita-boot sira sai profisionál, importante no fundamentál liu hotu: atu eduka ita-nia oan sira iha tinan primeiru no desizivu liu hosi sira-nia aprendizajen - siklu primeiru no segundu edukasaun báziku. Ho ita-boot sira-nia inovasaun, dedikasaun no komitmentu, ami fiar katak ita la'os de'it atu fó ba sira abilidade esensiál atu lee, hakerek no númeru, maibé mós abilidade sosiu-emosionál ne'ebé presiza atu hasa'e sira-nia abilidade atu hanoin krítiku no sai ema ne'ebé nakonu ho respeitu metin no kriativu”,dehan S. E. Ministra. Governante ne’e hatutan, Governu Konstitusionál da-9 estabelese nu'udar prioridade ida atu investe iha edukasaun ho kualidade no asegura katak Timor-oan sira iha asesu ba oportunidade aprendizajen ne'ebé sira prepara hela ba dezafiu sira iha sékulu 21. Hametin formasaun profisionál no kontinua sai hanesan profesór no pilár ida husi vizaun ida-ne'e. No ho profesór sira ne'ebé prepara didi'ak katak ita bele konsolida sistema edukasaun ida-ne'ebé inkluzivu no ekuitativu hodi promove dezenvolvimentu umanu no sosiál Timor-Leste nian. Iha fatin hanesan, Sua Exelénsia Prezidente Komisaun Funsaun Públika, Sr. Agostinho Letêncio de Deus, hateten, iha formasaun ne’e importante tebes, tanba la’os haree de’it ba iha pedagojia matéria ka disiplina, maibé sei iha mós formasaun karatér hamutuk ho PNTL sira, tanba profesór la’os de’it formadór, maibé edukadór mós. “Husi formasaun inisiál ida ne’e. Sai hanesan baze importante ida ba sira-nia progresaun promosaun aban-bainrua”, dehan S. E. Prezidente CFP. Aleinde ne’e, Prezidente INFORDEPE, Sr. Domingos Martins, hateten, kursu ne'ebé ohin hahú atu mantein ninia estrutura pedagojika ne'ebé metin, organiza iha kurríkulu lejizlativu lima, pedagojia, Teknolojia Informasaun no Komunikasaun ba manorin sira, hodi asegura balansu entre tékniku no dimensaun étika iha misaun nobre.
Data Publica : 23 Sep 2025
Descrisaun :
