𝗗í𝗹𝗶, 𝟭𝟮 𝗔𝗴𝗼𝘀𝘁𝘂 𝟮𝟬𝟮𝟲–Ministériu Komérsiu no Indústria (MCI), liuhusi Diresaun-Jerál Indústria, Sr. Jorge Ferreira, realiza enkontru ho representante Embaixada Estadus Unidus Amerika iha Timor-Leste, Sr. Mike Elkin, hodi diskute oportunidade kolaborasaun ba dezenvolvimentu no hasa’e kapasidade Micro, Small and Medium Enterprises (MESME) no trabalhador sira.

Durante diskusaun, Sr. Mike Elkin sujere MCI, atu prepara proposta projetu ne’ebé espesífiku, inklui objetivu, benefisiáriu, durasaun no rezultadu ne’ebé hakarak atinji, atu bele fasilita prosesu avaliasaun no identifikasaun oportunidade kolaborasaun.

Sr. Jorge Ferreira, hamutuk ho ekipa téknika, simu ho di’ak sujestaun ne’e no hateten katak MCI sei kontinua prepara planu projetu ne’ebé klaru no espesífiku, atu diskute liután iha enkontru tuirmai.

Kolaborasaun ne’e sei buka oportunidade atu kontribui ba hasa’e kapasidade MESME no trabalhador sira, nune’e bele apoia dezenvolvimentu setor privadu no kresimentu ekonómiku iha Timor-Leste.

𝙈𝙚𝙙𝙞𝙖 𝙈𝘾𝙄

See less