Loes, 𝟭𝟮 𝗔𝗴𝗼𝘀𝘁𝘂 𝟮𝟬𝟮𝟲–Diretur-Jerál Indústria-MCI, Sr. Jorge Ferreira, hamutuk ho ekipa téknika, realiza vizita ba grupu komunidade kreativa sira iha Loes, liuliu komunidade ne’ebé envolve iha atividade produsaun agríkola.

Vizita ne’e ho objetivu atu kolleta liis-mean, observa diretamente prosesu produsaun no identifika oportunidade atu haforsa dezenvolvimentu produtu lokal, liuliu iha área agrikultura, no fasilita asesu ba merkadu ba komunidade sira.

Atividade ne’e mos partisipa husi reprezentante Leader supermerkadu, reprezentante Ministériu Agrikultura no Diretór Servisu Munisipál Agrikultura, ne’ebé hato’o apoiu liuhusi fornese ekipamentu no mákina ba komunidade kreativa sira atu apoia no hasa’e sira-nia kapasidade produsaun.

MCI hato’o apresiasaun ba Ministériu Agrikultura no parte relevante sira hotu ne’ebé fó apoiu ba komunidade. MCI mos reafirma kompromisu atu kontinua motiva no apoia komunidade sira, inklui fasilita oportunidade merkadu ba sira-nia produtu lokal, hodi promove atividade ekonomia no dezenvolvimentu setor agríkola sustentável.

𝙈𝙚𝙙𝙞𝙖 𝙈𝘾𝙄

See less