𝗔𝗶𝗹𝗲𝘂, 𝟭𝟯 𝗔𝗴𝘂𝘀𝘁𝘂 𝟮𝟬𝟮𝟲 – Ministériu Komérsiu no Indústria (MCI), liuhosi Diresaun Jerál Komérsiu, hamutuk ho Autoridade Munisipál Aileu, hala’o semináriu konaba “𝘿𝙚𝙯𝙚𝙣𝙫𝙤𝙡𝙫𝙚 𝙋𝙧𝙤𝙙𝙪𝙩𝙪 𝙄𝙠ó𝙣𝙞𝙠𝙪 𝙋𝙤𝙨𝙩𝙪-𝘼𝙙𝙢𝙞𝙣𝙞𝙨𝙩𝙧𝙖𝙩𝙞𝙫𝙪/𝙈𝙪𝙣𝙞𝙨𝙞𝙥𝙞𝙪 𝙄𝙙𝙖 𝙋𝙧𝙤𝙙𝙪𝙩𝙪 𝙄𝙙𝙖” iha Munisipiu Aileu, rejiaun sentral ne’ebé inklui Aileu, Ainaro, Covalima, Manufahi, Atauro no Dili.

Semináriu ne’e hanesan inisiativa estratéjika husi MCI atu fó impultu ba dezenvolvimentu ekonomia lokal. Objetivu mak identifika, dezenvolve no valoriza produtu ikóniku ne’ebé iha potensial iha kada postu-administrativu no munisipiu.

Inisiativa ne’e fó resposta ba nesesidade atu diversifika ekonomia nasional, hamenus dependénsia importasaun, no aumenta valor adisionál ba produtu lokal. Liuhosi semináriu ne’e, MCI hakarak estimula inovasaun, kreatividade no partisipasaun komunidade lokal iha prosesu dezenvolvimentu produtu ikóniku, hanesan base forte ba sustenta ekonomia Timor-Leste iha futuru.

_𝙈é𝙙𝙞𝙖 𝙈𝘾𝙄

See less