𝐃𝐢𝐥𝐢, 𝟏𝟑 𝐀𝐠𝐨𝐬𝐭𝐮 𝟐𝟎𝟐𝟔 –Ministru Komérsiu no Indústria, Sr. Nino Pereira, halo sorumutu ho Prof. Alexandrino Delgado, nain ba Kompañia DelBela Yogurt, hodi rona direta esplikasaun ba rezultadu produsaun iha Kompañia DelBela Yogurt, ne’ebé kada loron bele produz to’o tonelada 3. Kompañia ne’e mós kontribui ona ba dezenvolvimentu indústria no kriasaun oportunidade servisu ba sidadaun Timor-Leste.

Nain ba Kompañia DelBela Yogurt esklarese ba Ministru katak, matéria-prima ne’ebé uza hodi produz yogurt mak inklui materia orijinal no susu ben rahun, ne’ebé importa husi Nova Zelándia.

Ministru hateten katak prezensa Kompañia DelBela ne’ebé foka ba produsaun yogurt sai oportunidade importante atu dezenvolve setór indústria, liuliu produsaun lokal. Produsaun ne’e bele ajuda hamenus dependénsia ba importasaun yogurt husi rai liur, no mós kria oportunidade servisu ba Timor-oan sira.

Maske nune, Kompañia produsaun yogurt ne'e emfrenta hela problema tekniku administrativu, merkadu, kapasidade produsaun no kapasidade konsumu nian.

Iha tempu badak Ministru hakarak vizita no haree rasik produsaun yogrut ne’ebé lokaliza iha Surik-mas.

𝙈𝙚𝙙𝙞𝙖 𝙈𝘾𝙄

See less