𝐀𝐓𝐒𝐀𝐁𝐄, (13.08.2026) — Direktór-Jerál Indústria (MCI) Sr. Jorge Ferreira hamutuk ho ekipa téknika realiza vizita servisu ba Grupu Kultura Hamriik Metin ne'ebé lokaliza iha Postu Administrativu Atsabe Vila, Munisípiu Ermera, hafoin enserramentu formasaun tinjimentu kór natural iha Aldeia Aiaben. Vizita ne'e ho objetivu atu hare'e husi besik atividade produtiva no fó apoiu morál ba grupu lokal ne'ebé susesu ona kria kampu servisu ba timor-oan sira.

Grupu Kultura Hamriik Metin (GKHM) nu'udar uniaun produtiva ne'ebé uluk simu apoiu financiamentu husi programa Subvensaun Públika MCI nian iha tinan 2014. Hodi kontinua dezenvolve sira-nia kapasadade, iha tinan 2023 grupu ne'e partisipa mos iha formasaun tinjimentu kór natural ne'ebé fasilita husi MCI.

Agora daudauk, grupu ne'e kontinua hatudu sira-nia kreatividade hodi fó oportunidade servisu ba ema hamutuk 23, kompostu husi membru grupu no mós integrasaun ba estudante sira iha servisu lkmaan loron-loron nian. Iha biban vizita ne'e, Direktór-Jerál Indústria enkoraja tebes membru grupu sira atu labele para hodi kria inovasaun foun, no husu atu fahe koñecimentu no matenek ne'ebé iha ba foinsa'e sira iha ária ne'e.

"𝐴𝑚𝑖 ℎ𝑢𝑠𝑢 𝑔𝑟𝑢𝑝𝑢 𝑎𝑡𝑢 𝑘𝑜𝑛𝑡𝑖𝑛𝑢𝑎 𝑖𝑛𝑣𝑒𝑠𝑡𝑒 𝑖ℎ𝑎 𝑎𝑡𝑖𝑣𝑖𝑑𝑎𝑑𝑒 𝑖𝑛𝑑𝑢́𝑠𝑡𝑟𝑖𝑢 𝑘𝑖'𝑖𝑘 𝑠𝑖𝑟𝑎 𝑛𝑒'𝑒, 𝑛𝑢𝑛𝑒'𝑒 𝑏𝑒𝑙𝑒 ℎ𝑢𝑠𝑖𝑘 ℎ𝑒𝑙𝑎 𝑚𝑎𝑡𝑒𝑛𝑒𝑘 𝑏𝑎 𝑗𝑜𝑣𝑒𝑛𝑡𝑢𝑑𝑒 𝑠𝑖𝑟𝑎 𝑛𝑜 𝑚𝑜́𝑠 𝑡𝑢𝑙𝑢𝑛 𝑑𝑖𝑣𝑒𝑟𝑠𝑖𝑓𝑖𝑘𝑎 𝑝𝑟𝑜𝑑𝑢𝑡𝑢 𝑙𝑜𝑘𝑎́𝑙 𝑇𝑖𝑚𝑜𝑟-𝐿𝑒𝑠𝑡𝑒 𝑛𝑖𝑎𝑛 ℎ𝑜𝑑𝑖 𝑛𝑢𝑛𝑒'𝑒 𝑏𝑒𝑙𝑒 𝑠𝑖𝑟𝑘𝑢𝑙𝑎 𝑙𝑎'𝑜́𝑠 𝑑𝑒'𝑖𝑡 𝑖ℎ𝑎 𝑚𝑒𝑟𝑘𝑎𝑑𝑢 𝑟𝑎𝑖-𝑙𝑎𝑟𝑎𝑛, 𝑚𝑎𝑖𝑏𝑒́ 𝑏𝑒𝑙𝑒 𝑡𝑜'𝑜 𝑚𝑜́𝑠 𝑖ℎ𝑎 𝑚𝑒𝑟𝑘𝑎𝑑𝑢 𝑟𝑎𝑖-𝑙𝑖'𝑢𝑟," Tenik DG Indústria.

Iha fatin hanesan, Na'in ba GKHM haktuir planu dezenvolvimentu grupu nian ba oin, inklui preparasaun hodi halo lansamentu ba kafetaria foun no loja fa'an Tais orijinál ne'ebé kria husi kór natural iha tempu badak.

Líder grupu ne'e mós hato'o direta ba DG Indústria, husu MCI nia prezensa ofisiál hodi halo lansamentu ba empreendimento foun ne'e, no atu hamutuk ho grupu hodi realiza kolheita dahuluk ba ikan ne'ebé sira hakiak ona.

#Media_MCI

See less