𝗠𝗮𝗹𝗶𝗮𝗻𝗮, 𝟭𝟳 𝗔𝗴𝗼𝘀𝘁𝘂 𝟮𝟬𝟮𝟲 – Ministériu Komérsiu no Indústria (MCI), liuhusi Diresaun-Jerál Indústria, realiza abertura ba Formasaun Jestaun Eskritóriu ba funsionáriu MCI iha Munisípiu Maliana. Formasaun ne’e hala’o durante loron lima, husi 17 to’o 21 Agostu 2026.

Formasaun ne’e partisipa husi 25 funsionáriu, ne’ebé mai husi munisípiu Bobonaro, Ermera, Liquiçá, RAEOA Oe-Cusse, no funsionáriu MCI iha nivel nasional iha Díli.

Iha sesaun abertura, Diretór-Jerál Indústria, Sr. Jorge Ferreira, hato’o mensajen ba partisipante sira atu aproveita ho diak oportunidade formasaun ne’e, liuliu liuhusi partisipasaun ativu durante atividade hotu. Nia mos enkoraja partisipante sira atu fahe koñesimentu no esperiénsia ne’ebé hetan durante formasaun ho kolega sira ne’ebé la konsege partisipa.

Formasaun ne’e mos hetan prezensa no apoiu husi Diretór-Jerál INAP, ne’ebé hato’o lia-menon no motivasaun ba partisipante sira atu uza ho efisiente loron lima formasaun ne’e, ho objetivu atu hadi’a kapasidade no kualidade servisu públiku.

𝙈𝙚𝙙𝙞𝙖 𝙈𝘾𝙄

See less