𝗝𝗮𝗸𝗮𝗿𝘁𝗮, 𝟭𝟲 𝗔𝗴𝗼𝘀𝘁𝘂 𝗱𝗲 𝟮𝟬𝟮𝟲–Timor-Leste, liuhusi representante SEOM no SOMCA, partisipa iha regional workshop kona-ba validasaun estudu atu estabelese ASEAN Center of Excellence for Creative Industry (ACE-CI), iniciativa ne’ebé champion husi Filipina ho apoio British Council–ASEAN–UK Advancing Together.(13/08/26)

Workshop ida-ne’e fó oportunidade ba estadu-membru sira atu akumula input liuhosi diskusaun grupo traballu, ho fokus ba pontu principais tolu; Estrutura institusionál, arranjamentu governansa, prioridade estratéjiku no mekanismu koordinasaun ACE-CI, Funsaun prinsipal ACE-CI, programa prioridade, parceria estratéjiku no mekanismu entrega programa sira ho efikás iha ASEAN no finansiamentu sustentavel, mobilizasaun recurso, promosaun investimentu no asesu ba finansa iha ekonomia kreativu.

ASEAN Creative Economy Sustainability Framework, ne’ebé adopta ona iha ASEAN Summit ba dala-46 iha Maio 2025, fó direksaun atu harii ASEAN hanesan sentru global ba exelénsia kreativu. Kuadru ne’e fó roadmap ba formuladór polítika, haforsa kooperasaun rejionál, no promove partisipasaun multistakeholder, bazeia ba prinsipiu hanesan infraestrutura kultural, polítika bazeia ba evidénsia, inkluzividade, responsabilidade ambiental, iniciativa lokal, no sistema propriedade intelektual (IP) ne’ebé forte.

ASEAN nia diversidade kultura, dinamizmu dijitál no talentu kreativu fó fundasaun forte atu explora oportunidade ekonomia kreativa. De’it, baseia ba Global Innovation Index (GII) 2024 hosi WIPO, membru-estadu ASEAN hanesan Malaysia, Singapura, Thailand, Viet Nam no Filipina mak klasifika iha top 50 eksportadór bens no servisu kreativu, no iha top 10 eksportadór bens kreativu global.

Ba Timor-Leste, maski seidauk iha modalidade governansa espesífiku atu lidera ekonomia kreativu, prioridade governu mak reflete ona iha instituisaun sira hanesan MCI, SEAC, MTA no SEFOPE. Nune’e, nesesariu atu estabelese modalidade governansa ida ne’ebé fó direksaun klaru ba dezenvolvimentu industria bens no servisu kreativu, hanesan parte integrál husi estratéjia diversifikasaun ekonomia nasionál.

𝙈𝙚𝙙𝙞𝙖 𝙈𝘾𝙄

See less