𝐕𝐢𝐪𝐮𝐞𝐪𝐮𝐞, 𝟏𝟖 𝐀𝐠𝐨𝐬𝐭𝐮 𝟐𝟎𝟐𝟔 –Ministru Komérsiu no Indústria, Sr. Nino Pereira, ofisialmente loke semináriu iha Munisípiu Vikeke, ne’ebé organiza husi Diresaun Jerál Komérsiu (DJK) ne’ebe hala’o iha Salaun Administrativu Prezidente Autoridade Munisipál Viqueque.

Semináriu ne’e ho tema “Dezenvolve Produtu Ikóniku – Munisípiu Ida, Produtu Ida” fó énfase ba objetivu atu hametin no dezenvolve produtu lokál sira ne’ebé iha potensiál atu sai produtu ikóniku kada munisípiu, bazeia ba rekursu naturál, kultura, identidade no kapasidade produsaun komunidade.

Iha ninia diskursu, Ministru Nino Pereira subliña katak, produtu ikóniku ida-ne’e tenke sai produtu ne’ebé bele reprezenta imajen no identidade kada munisípiu, no iha tempu hanesan bele sai mós imajen ida ne’ebé reprezenta Timor-Leste iha merkadu internasionál.

“𝘐𝘵𝘢 𝘭𝘢𝘣𝘦𝘭𝘦 𝘬𝘰𝘮𝘱𝘦𝘵𝘦 𝘭𝘪𝘶𝘩𝘶𝘴𝘪 𝘬𝘶𝘢𝘯𝘵𝘪𝘥𝘢𝘥𝘦, 𝘮𝘢𝘪𝘣é 𝘪𝘵𝘢 𝘣𝘦𝘭𝘦 𝘬𝘰𝘮𝘱𝘦𝘵𝘦 𝘭𝘪𝘶𝘩𝘶𝘴𝘪 𝘬𝘶𝘢𝘭𝘪𝘥𝘢𝘥𝘦 𝘵𝘢𝘯𝘣𝘢 𝘪𝘵𝘢 𝘕𝘪𝘢 𝘱𝘳𝘰𝘥𝘶𝘵𝘪 𝘴𝘦𝘪 𝘰𝘳𝘪𝘨𝘪𝘯𝘢𝘭 𝘯𝘰 𝘭𝘢 𝘬𝘰𝘮𝘵𝘪𝘯𝘪𝘯𝘢𝘥𝘶 𝘩𝘰 𝘬𝘪𝘮𝘪𝘬𝘢.” 𝗛𝗮𝘁𝗲𝘁𝗲𝗻 𝗠𝗶𝗻𝗶𝘀𝘁𝗿𝘂 𝗠𝗖𝗜

Nia mós esklarese katak Timor-Leste iha rai bokur no rekursu naturál ne’ebé bele dezenvolve produtu lokál ho valor no kompetitividade. Governu liuhosi MCI sei kontinua fó prioridade ba dezenvolvimentu produtu lokál, hodi aumenta kualidade, asesu ba merkadu no kontribui ba ekonomia nasionál.

Ministru hateten katak estabelesimentu Banku Nasionál Dezenvolvimentu bele sai mekanizmu importante atu ajuda setór privadu, liuliu empreza mikro, ki’ik no médiu, hodi asesu ba finansiamentu no expande atividade negósiu.

Semináriu ne’e partisipa husi autoridade lokál no nasional, inklui Sekretaria Asuntu Sosial no Administrasaun PAM Viqueque, Diretór Jerál Komérsiu, reprezentante DG Agrikultura Café no Plantas Industriais, Diretora Nasional Pesquisa no Estatístika, reprezentante CLN, Diretora Promosaun Exportasaun Trade Invest TL, Komandu PNTL Munisípiu Viqueque,Administradór Postu, Chefes Suku, reprezentante CCI-TL Munisípiu Viqueque inklui emprezáriu lokál, grupu indústria no agrikultór sira.

𝙈𝙚𝙙𝙞𝙖 𝙈𝘾𝙄

See less