Asuntu : 𝗦𝗘𝗞𝗼𝗼𝗽 𝗛𝗮𝗹𝗼 𝗩𝗶𝘇𝗶𝘁𝗮 𝗞𝗼𝗿𝘁é𝘇𝗶𝗮 𝗯𝗮 𝗣𝗔𝗠 𝗕𝗼𝗯𝗼𝗻𝗮𝗿𝗼. Bobonaro, 22 Setembru 2025 – Sekretáriu Estadu Kooperativas (SEKoop), Eng. Arsénio Pereira da Silva, M.Agr., akompaña husi Diretór Jerál SEKoop, Eng. Olderico Lopes, halo vizita kortézia ba Edifísiu Autoridade Munisípiu (PAM) Bobonaro, antes fó pose ba Federasaun Multi-Cooperativa Kuda Ulun Fronteira (FMKUF). Iha oportunidade ne'e, SEKoop fó parabéns ba Prezidente PAM Bobonaro, Paul Moniz, ne’ebé hetan konfiansa husi IX Governu Konstitusionál atu lidera Autoridade Munisípiu Bobonaro. Vizita ida ne'e iha objetivu principais atu fortalece koordenasuan entre SEKoop no Autoridade Munisípiu iha nivel lokal, liu-liu kona-ba movimentu kooperativa sira, no prepara poder lokal atu kontribui ba dezenvolvimentu nian iha kontestu desentralizasaun. Atividade ida ne’e mak parte husi inisiativa SEKoop atu promove prinsipiu kooperativismu no aumenta partisipasaun komunidade lokal iha dinamika ekonomia rejional. Hafoin remata reuniaun ho PAM, delegasaun SEKoop hamutuk ho Sekretáriu Munisipál ba Asuntu Finansas kontinua ba Salaun Alfândega Maliana hodi fó pose ba Federasaun Multi-Cooperativa Kuda Ulun Fronteira (FMKUF), ne'ebé sei hasoru knaar ba fortalecimento kooperativismu iha zona fronteira. #MédiaSEKoop
Data Publica : 23 Sep 2025
Descrisaun :