𝐃𝐨𝐭𝐢𝐤 𝟏𝟒. 𝐀𝐠𝐨𝐬𝐭𝐮.𝟐𝟎𝟐𝟔 || Sekretáriu Estadu Pekuária (𝐒𝐄𝐏𝐄) 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨., 𝐋𝐢𝐜. 𝐂𝐒𝐇, 𝐋𝐢𝐜. 𝐃𝐢𝐫. 𝐌𝐃, 𝐌.𝐀𝐏., Hala’o vizita supervizaun ba Sentru Saúde Animal iha Suco Dotik, Postu Administrativu Alas, Munisípiu Manufahi, hodi hare diretamente kondisaun servisu no infraestrutura ne’ebé suporta prestasaun servisu veterinária ba komunidade.

Iha vizita ne’e, 𝐒𝐄𝐏𝐄 observa diretamente ekipamentu médiku veterináriu no stock medikamentu veterinária ne’ebé disponivel iha sentru, hodi hare kapasidade no prontidaun sentru nian atu fó atendimentu ba animal sira, inklui prevensaun no kontrolu moras animal.

Além ne’e, 𝐒𝐄𝐏𝐄 mo’os hare kondisaun infraestrutura eletrisidade iha sentru, atualmente hasoru problema no Problema fornecimentu eletrisidade iha Sentru Saúde Animal Dotik mos afeta armazenamentu medikamentu veterinária sira ne’ebé presiza rai iha temperatura kontroladu iha freezer ka refrigerador. Kondisaun ne’e bele kompromete qualidade no efetividade medikamentu, tanba temperatura la regular.

Vizita supervizaun ne’e importante atu identifika diretamente dezafiu sira iha teren no buka solusaun apropriadu, hodi hametin tan servisu Saúde Animal no garante atendimentu veterinária ne’ebé diak liután ba komunidade iha área Postu Administrativo Alas.