𝐊𝐞𝐥𝐢𝐤𝐚𝐢 𝟏𝟗.𝐀𝐠𝐨𝐬𝐭𝐮.𝟐𝟎𝟐𝟔 || Antes Komemorasaun Loron Aniversáriu 𝐅𝐀𝐋𝐈𝐍𝐓𝐈𝐋 ba dala 51, iha 20 Agostu 2026, Sekretáriu Estadu Pekuária, liu husi Diresaun Nasionál Veterinária, hala’o atividade vasinasaun ba animal sira, hanesan asu no fahi, iha Munisípiu Baucau, Postu Administrativu Quelicai, Suku Letemumu, Aldeia Lebenei.

Atividade vasinasaun ne’e nu’udar parte husi esforsu atu prevene no kontrola moras animal, nune’e bele garante saúde no produtividade animal iha komunidade. Atividade ne’e mos lori mensajen kona-ba espíritu luta, solidariedade no sakrifísiu husi funu nain sira ba nasaun.

Iha atividade ne’e, ekipa Saúde Animal mos distribui kartão asesu vasinasaun ba komunidade, atu fasilita kontrolu no rejistu vasinasaun animal sira no garante servisu veterináriu ne’ebé organizadu no kontinua.