𝐌𝐚𝐧𝐮𝐟𝐚𝐡𝐢, 18 Agostu 2026, Sekretaria Estadu ba Formasaun Profissionál no Empregu, liu hosi Diresaun Nasional Empregu realiza eventu Feira Karreira no Edukasaun. Feirra Kareira 2026 ofisialmente loke hosi , Diretór Ezekutivu SENE Sr. Paulo Alves ne’ebé representa Sua Exelénsia Sekretariu Estadu ba Formasaun Profissionál no Empregu, akompaña mós hosi Prezidente Autoridade Munisípiu Manufahi, Sr. Luis Marçal da Costa Tavares iha Salaun Administraun Manufahi durante loron rua (18-19) Agosto 2026.

Ezpozisaun Feira Karreira professional ida ne’e hanesan atividade principal ida atu responde ba polítika Governo IX nian liu hosi SEFOPE ba implementasaun programa investimentu no diversifikasaun ekonomia, hasanak ba programa kriasaun Oportunidade servisu rai liur no rai laran.

‘’Objetivu principal hosi feirra ida ne’e mak “atu tulun estudantes sira bele prepara sira nia a’an iha abilidade ne’ebé di’ak hodi kapasita sira nia a’an liu hosi Sentru Formasaun no Universidade sira nune’e bele asesu ba oprtunidade serbisu iha Rai laran nomos ai Liur”

Iha intervensaun, PAM Munisípiu Manufahi hato'o agradese ba Sua Exelénsia Sekretáriu Estadu Formasaun Profesionál no Empregu ba feirra ida ne’ebé hala’o iha Manufahi.

Feira Karreira no Edukasaun hanesan formasaun de karakrek , ha’u husu ba Inan Aman sira katak formasaun de karakter ne eduka komesa hosi inísiu moris mai, atu nune’e kuando to ona nivel boot mai sira tenki hatene atu disidi la’o ba ne’ebé,no saida mak nia atu hili, ne formasaun de karakter. Edukasaun ne’e hahú mai hosi Inan Aman sira, ne’e responsavel boot ida, depois profesor sira eduka iha eskola, ha’u husu ba ita boot sira tenki hahú agora. Edukasaun ne’e eduka no forma ema, Ha’u koalia bebeik ona. Ha’u husu ba Inan Aman no profesor sira. Dehan PAM

Munisípiu ne kuando la’o ho diak tenki hahú iha tempo ida ne’e, ami hah’u no halo ona ami nian. Agora hein fali imi nia tempo. Saida mak imi atu halo alin estudante sira, imi mak kontinuasaun ba futuru hodi troka ami. Prepara imi nia a’an hodi komesa agora, presija imi hahú ona iha tempo agora, imi mós tenki hatene no koñese imi nian a’an, imi ne’ see? tamba nasaun ne’e presija imi. Tenik PAM

Iha intervensaun, Diretór Ezekutivu SENE ne’ebé representa Sua Exelénsia Sekretariu Estadu ba Formasaun Profissionál no Empregu, hateten katak programa refere hala’o hosi governu antrior mai, maibe iha polítika Sefope Governu da IX tau nafatin proridade ba programa ida ne’e. Ho ida ne’e DE mós husu ba alin sira katak, merkadu presija ita nia badaen. Formasaun ne’e importante tebes, Sefope iha komitmentu boot ida atu fó formasaun.

Representa ne’e mós husu ba alin estudantes sira labele baruk estuda, estuda no estuda. Sefope nia orientasaun tenki investe iha ema, sai joven tenki prequpa ona katak aban han saida, saida mak atu han iha aban. Prepara imi nia a’an didiak hodi hakat ba futuru ne’ebe diak no brillante. Alin sira imi mak kontinuasaun, tamba aban banrua país ida ne’e presija imi, keta baruk estuda. Tamba karik alin sira remata ona saida mak imi atu disidi. Temi DE

Aproveita oprtunidade feira ida ne’e DE akompaña mós hosi Chefé Gabinete Protokolo, Komunikasaun no Kooperasaun e Diretór diresaun Sefope Munisípiu Manufahi hala’o mós vizita ba 𝐂𝐚𝐛𝐥𝐚𝐤𝐢 𝐂𝐨𝐦𝐦𝐮𝐧𝐢𝐭𝐲 𝐃𝐞𝐯𝐞𝐥𝐨𝐩𝐦𝐞𝐧𝐭 𝐂𝐞𝐧𝐭𝐞𝐫 (𝐂𝐂𝐃𝐂) hodi observa atividades iha sentro ne’e, tamba sentro ferere hetan mós tulun hosi SEFOPE.

Alein de ne, iha tempo hanesan ekipa mós hakbesik a’an ba hodi haree rezultado hosi traballadór retornu sira hosi Korea no Australia ne’ebé estajiu fulan 6 iha área hortikultura. traballadór retornu sira mak kuda modo no agora sira halo mós kolleta ona.

Hosi Ezibitor sira ne’ebé hola parte iha eventu ida ne’e atu tulun estudantes sira hodi desidi sira nia futuru liu hosi informasaun ne’eb’e sira hetan.

Atividades ne’e mós sei hala’o ba loron rua, mak sei fahe informasun liu hosi Ezibitor sira no mós sei hala’o semináriu (𝑻𝒂𝒍𝒌 𝑺𝒉𝒘𝒐 ) mai ho oradór sira hanesan SEFOPE, Fundo de Desenvolvimento do Capital Humano (FDCH), Instituto de Apoio ao Desenvolvimento Empresarial (IADE).

Entretantu tuir dadus husi Diretór Diresaun SEFOPE Munisípiu Manufahi, Sr. Alberto da Costa Pereira hateten, estudante hirak ne’ebé partisipa iha feira ne'e Estudante Desimu Segundu Anu ka Finalista hosi ESG no ETV .(Escola ualu) Totál Estudante hamutuk 𝟓𝟏𝟎 Estudante finalista sira hosi Escola Secundariu sira iha Munisípiu Manufahi.

Ezibitor sira hamutuk 17 maibe partisipa 14 mak hanesan : SEFOPE,PNTL, IPTL,BETANO, BNCTL, MAPPF, CF. TIBAR, INDIMO, FC. SENAI, FC. CCDC,CF. CEFOBOM, AATL, SERVE.IP, FDHC, APC BOMBEIROS.

Atividade ne’e partisipa hosi Segundu Komandante PNTL Munisípiu Manufahi, Diretores Nasionais, Diretores Servisu Munisipal no Diretores Delegasaun Territoriál Presente, Diretores da Eskola, Professores Estudantes no Funsionáriu sira.