𝐀𝐓𝐀Ú𝐑𝐎, 𝟏𝟒 𝐀𝐆𝐎𝐒𝐓𝐔 𝟐𝟎𝟐𝟔 – Sekretáriu Estadu Peskas, 𝐃𝐫. 𝐃𝐨𝐦𝐢𝐧𝐠𝐨𝐬 𝐝𝐚 𝐂𝐨𝐧𝐜𝐞𝐢çã𝐨 𝐝𝐨𝐬 𝐒𝐚𝐧𝐭𝐨𝐬 “𝐌𝐚𝐮-𝐜𝐚𝐫𝐨”, sesta ne’e, inaugura ofisialmente Kazerna Ofisiál Peskas iha Suku Beloi, Administrasaun Ataúro.

Inaugurasaun kazerna ne’e reprezenta esforsu Governu liuhosi Secretario de Estado das Pescas atu hadi’a no hametin kondisaun servisu iha área peskas, liuliu iha administrasaun lokal, hodi asegura katak servisu públiku iha setor peskas bele lao ho efisiénsia no besik liután ba komunidade peskadór sira

Iha entrevista SEP Governante ne esplika, objetivu husi atividade ohin ita hamutuk asisti hand over kazerna peskas mai Ministériu atu Diresaun Geral Pescas bele utiliza hodi halo operasaun servisu iha area peskas iha Ataúro

Governante ne mos subilha katak Prezensa infraestrutura no espasu servisu ofisiál iha Ataúro importante, hodi fasilita koordenasaun, monitorizasaun no implementasaun programa Governu iha setor peskas.“Kazerna ne’e historikamente Indonésia nia tempu konstrui ona, durante tinan barak la utiliza, entaun iha vizita sira iha tinan 2024 iha vizita ida mai iha Ataúro no hare katak la iha espasu ida propriu ba pesoal peskas atu halo servisu no halo atendimentu ho diak ba komunidade. Tanba ne’e iha tinan 2024 ita halo vizita no observa hafpin tinan tuir halo levantamentu hodi tau osan ba reabilita no ohin hand over hosi kompañia”.

“Total orsamentu ba konstrusaun kazerna ne’e mak $21.000 tanba ne’e nafatin manifesta agradeseimentu ba kompania tanba servisu todan maibe sira hatudu duni profisonalizmu ba konstrusaun ida ne’e, espera kazerna ida ne’e sei kaulidade tanba nia kondisaun diak tebes, Kazerna Peskas ne’e mós sai nu’udar fatin servisu ba tekniku no funsionariu sira atu presta asistensia no servisu ba komunidade, inklui peskador sira, no hametin kolaborasaun ho lideransa no parte relevante sira,.”

Portantu orsamentu ne’ebé atribui ba konstrusaun ne’e , total $ 21.000, tanba ne’e nafatin manifesta agradesimentu ba kompañia ne’ebé esforsu di’ak tebes hodi finaliza obra refere.Kazerna Ofisiál Peskas ne’e mós sei sai nu’udar fatin servisu ba tékniku no funsionáriu sira atu presta asisténsia no servisu ba komunidade, inklui peskadór sira, no hametin kolaborasaun ho lideransa lokal no parte relevante sira.

Mateus Belo, Prezidente Autoridade Administrativu Ataúro mos hatuitan katak, Ataúro iha potensia nebe bo’ot ba Peskas, husi rekursu tasi nebe iha Ataúro nia dependensia moris ba liu iha tasi, entaun kazerna ida ne’e eziste antes ita ukun a’an, iha tempu okupasaun Indonésia, Husi Ministériu liu hosi Secretariu Estadu Peskas hahu halo fali konstrusaun ida ne’e atu fasilita funsionariu ka tekniku peskas sira ne’ebé hala’o servisu iha Ataúro.

Prezidente Autoridade Administrativu Ataúro mos akresenta tan katak Prezensa kazerna ne’e importante tebes, tanba Governu sentral hatur mos prioridade bo’ot ba iha Peskas. Governu liu hosi SEP iha Politika ba deversifikasaun Ekonomia, hanesan ita hatene katak rekursu tasi ne’ebé iha Ataúru bo’ot tebes, tuir peskiza hatudu katak iha biodiversidade ne’ebé a’as tebes iha Mundo no atrai vizitante ka turista estrajeiru nolocal periodikamente mai vizita Ataúro. Ba oin ita kontinua servisu hamutuk ho Dirasaun Peskas liu hosi Secretariu Estadu Peskas oinsa atu kontinua nafatin halo protesaun ba ita nia rekursu hirak ne’ebé pertinente tebes ba iha Ataúro hodi promove ekoturizmu iha Ataúro.

Ne’e duni ho prezensa kazerna ida ne’e bele ajuda servisu Secretariu Estadu Peskas liu hosi Dirasaun Jeral das Peskas no Tekniku sira wainhira mai Ataúro. Atividade ne’ebé ita nia komunidade Ataúro sira halo mak hanesan Pekador ka kaer ikan, luku tasi no mós inan feton sira hakiak budu tasi fo mós rendimentu diak ba komunidade sira iha Ataúro. prezensa peskas iha Ataúro ita hatene katak.

Nune’e mós komapania Riri star Celestino da Costa, sira asina kontratu iha fulan Novembru tinan kotuk, no ami finaliza kontrusaun kazerna ne’e iha fulan Fevreiru tinan 2026, problema ne’ebé kompania hasoru mak material hotu hotu tula husi Ró mai husi Dili, maibe buat hotu lao ho diak to’o finaliza.

Inaugurasaun ne’e marka tan istória ida hosi kompromisu Governu atu aproxima servisu públiku ba komunidade no fortalese dezenvolvimentu setor peskas iha munisípiu Ataúro. Partisipa iha serimónia inaugurasaun ne’e, Prezidente Autoridade Munisípiu Ataúro, Autoridade Seguransa PNTL ho F-FDTL, komunidade peskadores no konvidadu sira.