Dili, 11 Agostu 2026

Vise-Primeiru-Ministru, Ministru Koordenadór bá Asuntu Ekonómiku no Ministru Turizmu no Ambiente, Francisco Kalbuadi Lay, hala’o enkontru ho Ministru Transporte no Komunikasoens (MTK), Eng.Miguel Marques Gonçalves Manetelu, Prezidente ANATL, E.P, Romualdo António Soares da Silva, Project Manager (PMC) no Kompañia Waskita Karya, hodi diskute kona-bá progresu dezenvolvimentu no Espansansaun Aeroportu Internasionál Prezidente Nicolau Lobato, Komoro, Díli.

Enkontru ne’e hala'o iha Gabinete Vise-PM, Farol, Dili, hodi foka bá atualizasaun kona-bá progresu servisu konstrusaun no implementasaun projetu dezenvolvimentu no espansansaun aeroportu nian. Waskita Karya iha responsabilidade bá konstrusaun parte importante husi infraestrutura aeroportu, inklui servisu relasionadu ho pista, atu aumenta kapasidade transporte aéreu, hadi’a konektividade internasionál no suporta kresimentu ekonómia no dezenvolvimentu setór turizmu governu kontinua moderniza aeroportu internasional prezidente nicolau lobato tuir padraun internasionál.

governu garante koordenasaun di'ak entre instituisaun relevante no empreza responsável, hodi asegura katak implementasaun projetu la'o tuir planeamento no tempu ne'ebé determinadu.

Projetu dezenvolvimentu aeroportu ne’e envolve mós konstrusaun no rehabilitasaun infraestrutura importante sira hanesan pista, torre kontrólu, sistema iluminasaun no terminál pasajeiru.

Governu kontinua fó prioridade bá projetu ne’e tanba nia papél importante bá preparasaun infraestrutura nasionál, inklui bá Timor-Leste nia kompromisu atu sai uma-na'in bá Simeira ASEAN iha 2029.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊