Dili, 14 Agostu 2026

Ministru Transportes no Komunikasoens, Eng.Miguel Marques Gonçalves Manetelu sesta ohin, akompaña husi Prezidente ANATL. E.P, Romualdo António Soares da Silva, CEO Telkomcel Benedictus Ardiyanto Priyo lansa Sistema ERP ANATL, E.P iha Aeroportu Internasional Prezidente Nicolau Lobato Komoro Dili.

Objetivu Estratéjiku sira ne'ebé destakadu husi lansamentu Sistema ERP, ANATL, E.P, Transforma Prosesu, Integra Sistema, Hasa'e Produtividade.

Sistem ERP (Enterprise Resource Planning) ba ANATL, E.P. (Administração de Aeroportos e Navegação Aérea de Timor-Leste) nu'udar sistema software meiu-jestaun nian ne'ebé integradu hodi jere no automatiza operasaun internu sira iha empreza públika ne'e.

Iha kontestu modernizasaun no dijitalizasaun foun ANATL, E.P. nian, sistema ERP fó funsionalidade importante sira:

Modulu Izensiál Sira iha ERP ANATL:

• Jestaun Finanseira no Orsamentu (Finance & Accounting):

o Kontrola no kualifika reseita husi taxa aeroportuária (tarifa pasajeiru, kargo, landing fees no parkeamentu).

o Jestaun orsamentu operasionál, auditing no relatóriu execusaun orsamentál.

• Jestaun Rekursu Umanu (Human Resources Management - HRM):

o Sistem dadus funsionáriu sira, payroll (salariál), jestaun dezempenhu no treinamentu / bolseiru.

• Aprovisionamentu no Jestaun Propriedade (Procurement & Logistics):

o Procesu sosa sasan/servisu (e-Procurement) no kontrolo inventáriu.

o Jestaun ba aset husi aeroportu nian (ekipamentu navegasaun, terminal no infraestrutura sira).

• Integrasaun ho Sistema Operasionál Aeroportu (AOMS):

o Sincroniza dadus husi Automatic Parking System, Departure Terminál no bilheteira aeroportu nian bá sistema finanseira internu.

Ministru Manetelu Subliña sistema ERP sei kontribui maneira servisu iha ANATL.E.P.

“Ha’u espera lansamentu ohin laos deit kona-bá lansamentu téknolojia informasaun ida, lansamentu ohin nu’udar parte ida esforsu ita hotu nian, liu-liu governu atu harii instituisaun públika ida ne’ebé modernu professionél efisiente transparente no bazeia bá dadus, transformasaun dijitál ne’ebé ita promove labele limita deit bá uja komputadór ka instala aplikasaun transformasaun diijitál tenki kontribui atu muda ita nia maneira servisu maneira foti desizaun maneira jere rekursu estadu no ikus mai maneira bele fó benefísiu bá povu” hateten Ministru Manetelu.

Ministru Manetelu husu bá ANATL. E.P implementasaun ERP maka pasu estratejiku ida atu integra prosesu administrativu, finansas, rekursu humanus aprovizionamentu patrimóniu no jestaun organizasaun iha Sistema ida ne’ebé integradu no efisiente ita hakrak asegura katak rekursu hotu ne’ebé estadu fó konfiansa bá ANATL. E.P tenki jere ho responsabilidade transfarénsia no fó benefisiu masimu bá interese públiku.

Lansamentu Sistema ne’e hetan apoiu husi telkomcel.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓K