𝟐𝟏 𝐀𝐠𝐨𝐬𝐭𝐮 𝟐𝟎𝟐𝟔

=============

Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, partisipa iha Reuniaun Komité Revizaun Polítika (KRP) Orsamentu Jerál Estadu 2027, ne’ebé hala’o iha Ministériu Finansa, Aitarak-Laran, Díli, Sesta, 21 Agostu 2026.

Iha reuniaun ne’e, Vise-PM aprezenta no diskute prioridade no nesesidade orsamentál iha área ambiente ba tinan 2027. Diskusaun foka ba programa no atividade ne’ebé presiza apoiu orsamentál atu asegura jestaun ambiente ne’ebé sustentável no responde ba dezafiu ambientál sira.

Governu fó prioridade hodi proteje ambiente tanba tenke sai parte integrante husi prosesu dezenvolvimentu ekonómiku nasionál.

Iha oportunidade ne’e, Vise-PM mós hato’o importánsia atu asegura alokasaun orsamentu ne’ebé adekuadu ba implementasaun prioridade ambientál sira. Medida hirak-ne’e importante atu hametin kapasidade institusionál no garante rezultadu konkretu ba komunidade no futuru país nian.

Reuniaun KRP 2027 sai nu’udar parte husi prosesu revizaun no diskusaun kona-bá prioridade polítika no programa Governu, antes proposta Orsamentu Jerál Estadu 2027 tama ba faze sira tuir mai.

See less