Díli, 19 Agostu 2026– Ministériu Komérsiu no Indústria (MCI), liuhusi Diresaun-Jerál Indústria, liderada husi Diretór-Jerál, Sr. Jorge Ferreira, hamutuk ho ekipa tékniku, realiza enkontru ho Presidente Autoridade RAEOA hodi halo koordenasaun kona-ba atividade no projetu sira ne’ebé iha relasaun ho setor komérsiu no indústria, liuliu Projeitu Produsaun Masin iha RAEOA.

Iha enkontru ne’e, Sr. Jorge represent MCI aprezenta progresu Projeitu Produsaun Masin, ne’ebé atualmente atinji ona 75%. Maibe realizasaun kolleta masin sei depende ba kondisaun klimátika. Sr. Jorge hatutan katak, ita sei hein ekipa tékniku sira atu bele halo reparasaun ba geomembrana ne’ebé sofre danos tanba anin boot.

Sr. Jorge mós informa kona-ba preparasaun ba kanalizasaun bee tasi ba área produsaun masin, no nesesidade atu prepara sistema jestaun ba produsaun masin refere. Preparasaun ne’e inklui posibilidade atu involve grupu produtór, armazen no setor privadu atu bele kontribui ba prosesu jestaun no dezenvolvimentu produsaun masin.

Presidente Autoridade RAEOA hato’o apresiasaun ba esforsu no kompromisu MCI, no enkoraja atu koordenasaun entre instituisaun sira kontinua, ho objetivu atu finaliza projetu no lori to’o ba faze kolleta produtu masin refere.

Media MCI

See less