Asuntu : VMOH SAI ORADÓR PRINSIPÁL IHA SEMINÁRIU NASIONÁL NE'EBÉ ORGANIZA HUSI PROGRAMA ESTUDU MESTRADU SAÚDE PÚBLIKA Dili, 22/09/2025; Vise-Ministru ba Operasionalizasaun Ospitál (VMOH-sigla portugués), no Ministru Saúde em Ezersísiu dr. Flávio Brandão Mendes de Araújo partisipa no sai oradór prinsipál iha semináriu nasionál ho tema "Haforsa kolaborasaun multisetoriál no envolvimentu komunitária no kontrolu raiva iha Timor Leste. Semináriu ne’e organiza husi Programa Estudu Mestradu Saúde Públika, iha Salaun José Kasimiru, UNPAZ, ho objetivu, haree ba planu estratejia programa mestradu no doutoramentu nian ba tinan liman ne’ebe koloka semináriu nasionál sai hanesan kanál ida atu bele transmite informasaun ba públiku liuliu informasaun sira ne’ebé relasiona ho problema saúde publika. VMOH agradese ba universidade da Paz, tanba bele konvida ona Ministériu saúde no ONG sira hodi mai partilla informasaun sira liuhusi semináriu Nasionál ou atividade sientifiku ida hanesan, nune’e nia husu ba estudante Mestradu sira tenke iha abilidade ne’ebé maka tenke forte iha akadémiku. "Raiva la'os moras foun iha mundu maibé fatin hotu hotu iha, Timor Leste Raiva foin maka invade tama iha Timor no bele hamate ema maibé la'ós buat foun, nia karakter hanesan bakteria no virus sira seluk katak moras ida wainhira ita la kontrola ho di’ak nia sei habelar no da’et ba ema seluk", dehan VMOH. VMOH hatutan, estudante mestradu la'os ona kualker estudante maibé estudante ne’ebé iha abilidade ho nia karakter forte iha akadémiku. "Seminariu ne'e la’os de'it atu fahe maibé atu provoka pensamentu krítiku ne’ebé bele kontribui ba ita ida-idak nia dezenvolvimentu ba ita-nia aan, ba sosiedade akadémiku no mós ba governu ne’ebé sempre hetan konfiansa atu governa". Entertantu Partisipa iha Semináriu ne’e, Sekretáriu Estadu Pecuaria, Reprezentante OMS-TL, Estudante sira husi Universidade sira hanesan, ICS, ISC, UCT, UNPAZ, UNTL nomós dosente husi fakuldade saude públiku UNPAZ.
Data Publica : 23 Sep 2025
Descrisaun :
