𝐃𝐈́𝐋𝐈, 23 Agostu 2026 —Ministériu Komérsiu no Indústria (MCI) liuhosi Diresaun Nasionál ba Márketing (DNM), fasilita grupu Micro, Pequena no Médias Empresas (MPME) sira hodi partisipa no prienxe stand feira iha eventu boot Sci-Tech EXPO 2026, ne’ebé ho tema "Showcasing Innovation from Timor-Leste: Where Ideas Take Shape".

Abertura expo ne'e konta ho presensa direta husi SE. Vise-Ministru Komérsiu no Indústria, Sr. Augusto Júnior Trindade, ne'ebé mai foti parte hodi haraik apoiu moral no instituisionál ba empreendedór timor-oan sira iha eventu ne’e.

Partisipasaun ne’e ho objetivu atu haburas liu tan merkadu ba produtu ho kualidade lokál sira, situa iha estande sira MCI nian, no simulatu atu hamukit no atrai públiku inklui vizitante internasionál sira ne'ebé marka prezensa iha eventu ne'e.

Oportunidade ne’e sai hanesan pálku estratéjiku ida ba empreendedór timor-oan sira hodi hatudu sira-nia kreatividade, inovasaun, no kualidade produtu rai-laran—husi ai-han procesadu, artiazanatu, to'o produtu inovativu seluk—ne'ebé prontu atu kompete iha merkadu nasionál no internasionál.

Diresaun Nasional Márketing (DNM) kontinua fo apoiu ba ita-nia MPME sira, liu husi fo fatin no biban oinsá sira bele kria networking no habelar sira-nia márketing iha feira boot sira hanesan Sci-Tech EXPO 2026 ne’e," haktuir Diretora DNM Sra. Virgínia do Amaral Caldeira.

Iha biban ne'e, grupu MPME sira ne'ebé partisipa expressa sira-nia haksolok tamba bele hetan oportunidade no fasilidade ne'ebé di'ak husi MCI, hodi nune'e bele fa'an no introduzes sira-nia produtu ba ema hotu ho komunidade internasionál sira.

Eventu Sci-Tech EXPO 2026 ne'e hala'o husi loron 23 to'o 25 Agostu 2026 no sei nakloke ba públiku hotu.

_𝐌𝐞𝐝𝐢𝐚|𝐌𝐂𝐈

@followers

See less