𝗘𝗥𝗠𝗘𝗥𝗔,𝟭𝟰/𝟬𝟴/𝟮𝟬𝟮𝟲: Vise-Primeiru Ministru, Ministru Kordenador ba Assuntos Sociais, Eng. Mariano ASSANAMI Sabino, sai orador importante iha programa Meet the Press, ne’ebe ko’alia kona-ba Papel Juventude iha Konstrusaun Estadu, ne’ebe realiza iha Salaun PAM, Gleno, Ermera.

Programa ne'e nain mak Sekretariu Estadu Komunikasaun Sosial, ne’ebe kada fulan sempre realiza hodi konvida membru governu sira ko’alia direita ho media nasional sira hodi up date progresu dezenvolvimentu sira iha rai laran.

Iha edisaun ne'e, Vise-Primeiru Ministru mak sai orador hodi hato'o prespetiva politika relasiona ho tema ida ne'e, katak, prosesu Konstrusaun Estadu hahu kedas funu ba libertasaun nasional kontribuisaun joven sira nian desizivu tebes ba mudansa estratéjiku funu to'o ukun rasik aan.

Entaun iha ukun an, Papel Juventude nian nafatin importante liu oinsa garantia sustentabilidade nasaun nian ba oin, tamba joven mak rin ba buat hotu.

Iha konstrusaun nasaun, ita sei hasoru hela dezafius oi-oin, kampu traballu ne’ebe sei menus, balun tenke ba ema nia rai buka moris maibe husi sira mos hatama osan mai estadu no husi sira nia aktu heroiku sira ne'e bele fo moris ba familia.

Governu ne’ebe lideradu husi Maun Boot Kay Rala Xanana Gusmão, sei la taka matan ba problema hirak ne’e sei nafatin trasa politika oinsa kria kondisaun hotu-hotu hodi fo moris ba nia sidadaun maiske neneik maibe ita hotu tenke nafatin iha esperansa katak loron ruma ita sei bele hanesan ho sira seluk iha mundu.

Governu ida ne'e hatur ona katak "Ema Mak sai sentru ba dezenvolvimentu" ho nune'e hari'i ona FDCH hodi forma rekursu umanu ne’ebe kualifikadu hodi oferese ba estadu hodi dezenvolve ita nia rain.

Ohin loron ita iha rekursu naturais oi-oin maibe sei la garantia ba futuru nasaun nian tamba rikusoin sira ne’e tempu ruma sei remata, ita haree iha nasaun sira ne’ebe la iha rekursu naturais maibe moris diak tamba sira investe ba ema.

Ho nune'e ba ita hotu-hotu labele lakon esperansa tamba de'it ita sei hasoru hela problema oi-oin, maibe ita tenke lori dezafiu sira nee sai hanesan forsa ida hodi kontinua luta ba ita nia futuru.

Governu ida ne'e kria ona oportunidade barak ba ema hotu-hotu atu halo negosiu, ita iha BNCTL ne'ebe fo kreditu, ita sei iha tan banku dezenvolvimentu ne'e hotu oportunidade ba joven sira atu aproveita hodi loke rasik kampu servisu ba an rasik.

See less