Dili, 18 Agostu 2026

Iha inisu fulan Jullu tinan 2026, Governu aprezenta opsaun Prioridade Polítika Governu (PPG) hamutuk 28 bá Komité Revizaun Polítika nian núdar parte ida husi preparasaun Orsamentu Jerál Estadu 2027 nian ho nune’e iha loron 18 fulan agostu 2026, governu liuhusi Ministru Transportes no Komunikasaun, Eng.Miguel Marques Gonçalves Manetelu hamutuk ho Diretór Jerais, Asesóres, Xefe Gabinete Ministu, Xege Gabinete GPPC no Diretór Nasionais no Xefe Departamentus halo aparezentasaun PPG 17 ho 18 iha reuniaun komité revizaun politika 2027 ne’ebé hala’o iha sala auditóriun Kay Rala Xanana Gusmão Aitarak Laran Dili.

Relasaun ho proposta PPG 17 Empregu Dijitál bá Joventude (empregu dijitál no diversifikasaun ekonómika) no GPP 18 – Husi Fibra bá Funsaun (infraestrutura dijitál, modernizasaun Governu no hadi’a prestasaun servisu públiku). Atu prepara aan no fó importância hodi halo diskusaun ho membru Komité Revisaun Politika nia desizaun finál bá orsamentu novas prioridades.

“Ohin dader tama fali bá grupu prioridade ida kona-bá kabu fibra otika nia funsaun, ohin halo aprezentasaun katak ita ko’alia infraestrutura atu oinsá maka asegura kobertura husi kabu ne’e rasik liu-liu parte instituisaun públika governu nia ita persiza iha infraestrutura sira ne’ebé mak hanesan Backbone nasionál ne’e iha ne’ebé, fiu sira uluk ita foin harii torre eletresidade ne’e fibra iha ne’ebá tiha ona, hahú 2011 ita dada tiha ona fiu sira ne’e” dehan Ministru Manetelu.

“Politika Primeiru ita hanoin katak se ita lori transforma internet husi CTL iha bebonuk liuhusi DNIK bá to’o munisípiu ho postu saúde, edukasaun, hanesan mós sede suku sira ne’ebé aban bairua fiu sei liu, ita persiza infraestrutura atu halo manutensaun bá backbone nasionál ne’ebé ohin temi iha torre eletresidade transmisaun, kuandu to’o iha munisípiu backbone tun bá iha estasaun EDTL nia iha kada munisípiu husi rede ne’e sai husi ne’ebá mak ita bolu konektividade nasionál ne’e DNIK nia servisu ida ne’e mós ohin ita aprezenta para atu asegura katak funsaun fibra otika bá administrasaun públika nia lao ho diak entaun tenke iha ema temi karik Estrada strada ne’ebé maka diak para depois kareta ne’e bele liu bá to’o iha fatin ne’ebé sira bolu last mile hanesan pontus ikus liu ita nia internet too iha ne’eba ne’ebé ohin avansa ho ida ne’e. Ohin ita ko’alia deit kona-bá infraestrutura hetan apresisaun husi komité revizaun polítika sira fó tempu bá MTK sesta submete fali laos MTK de’it ministériu ne’ebé mak involve iha tópiku 18 kompostu husi Edukasaun, Saúde, Agrikultura” afirma Ministru Manetelu.

Reuniaun ne’e hetan mós partisipasaun husi, Ministra Edukasaun, Saúde, Elia Amarál, Ministru Agrikultura, Pekuária, Peskas no Floresta, Marcos da Cruz, aleinde ne’e ANATL.EP. CTL.EP. TIC TIMOR, ANC no instituisaun públiku sira ne’ebé tutela iha MTK nomos hetan mós akompañamentu husi Prezidente Autoridade Munisípiu sira ne’ebé programa balu iha ligasaun ho infraestrutura dijitál, komite revizaun politika aprova emprinsípiu enjerál bá politika husi 2027-2031 ho nune’e iha sesta feira submete fila fali numeru sira ne’e los ona hodi nune’e kontinua programa misnitériu nia bazeia bá aprovasaun prioridade governu nia ne’ebé antes ne’e aprova tiha ona.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊