DÍLI, 17 AGOSTU 2026 — Ministériu Edukasaun Timor-Leste hala’o enkontru ho Reprezentante Embaixada Uni Emiradus Arabe (UAE) iha Jakarta, Sra. Shaima Salem AlHebsi, hodi diskute kona-ba kooperasaun iha área edukasaun.

Pontu prinsipál diskusaun maka projetu ki’ik ida kona-ba ambiente eskola no implementasaun matéria Fraternidade Umana iha Kurríkulu Edukasaun Nasionál.

S.E. Ministra Edukasaun, Dra. Dulce de Jesus Soares, hatete katak projetu ne’e hetan apoiu husi Governu Uni Emiradus Arabe iha Jakarta.

Objetivu projetu maka atu envolve estudante sira husi eskola Timor-Leste iha kompetisaun vídeo kona-ba ambiente.

“Ida-ne’e oportunidade di’ak atu estudante sira hanoin no fó solusaun ba problema ambiente iha sira-nia eskola,” dehan Ministra.

Ministra Edukasaun subliña katak Timor-Leste sai nasaun dahuluk iha mundu ne’ebé inklui matéria Fraternidade Umana iha kurríkulu eskolár.

“Antes ne’e, Sua Exelénsia Prezidente Repúblika mós partisipa iha asina dokumentu entre Amu Papa Francisco no Imam Al-Tayeb. Tanba ne’e matéria Fraternidade Umana inklui ona iha ita-nia kurríkulu no agora tama ona iha faze implementasaun ba Anu Báziku Primeiru” Ministra esplika.

Iha fatin hanesan, Reprezentante Embaixada UAE iha Jakarta, Sra. Shaima Salem AlHebsi, hatete UAE fó apoiu ba projetu ki’ik ne’e hodi fó oportunidade ba estudante sira atu prodúz vídeo kona-ba ambiente iha Timor-Leste.

Nia mós hato’o apresiasaun ba Timor-Leste, liuliu Ministériu Edukasaun, tanba konsege implementa ona programa Fraternidade Umana nu’udar parte husi kurríkulu edukasaun.

“Uni Emiradus Arabe husu ba Ministériu Edukasaun, karik iha oportunidade, atu kontinua no haforsa kooperasaun iha futuru,” nia dehan.

Implementasaun Fraternidade Umana iha kurríkulu edukasaun Timor-Leste konsidera nu’udar inisiativa importante atu promove valór sira hanesan toleránsia, respeitu, kooperasaun no dame entre estudante .

Ministériu Edukasaun kontinua komprometidu atu integra valór globál sira iha edukasaun, hodi prepara jerasaun foun ne’ebé iha karakter, responsabilidade no espíritu fraternidade.

#MÉDIAME

#MinistériuEdukasaun

#FraternidadeUmana

#KooperasaunUAE

#EdukasaunTimorLeste

---

PORTUGUÊS

MINISTÉRIO DA EDUCAÇÃO REÚNE-SE COM EMBAIXADA DOS EAU SOBRE PROJETO AMBIENTAL E IMPLEMENTAÇÃO DA MATÉRIA FRATERNIDADE HUMANA.

DÍLI, 17 DE AGOSTO DE 2026 — O Ministério da Educação de Timor-Leste reuniu-se com a Representante da Embaixada dos Emirados Árabes Unidos (EAU) em Jacarta, Sra. Shaima Salem AlHebsi, para discutir a cooperação na área da educação.

Os principais temas foram um pequeno projeto sobre o ambiente escolar e a implementação da matéria Fraternidade Humana no Currículo Nacional de Educação.

S.E. a Ministra da Educação, Dra. Dulce de Jesus Soares, afirmou que o projeto recebe apoio do Governo dos Emirados Árabes Unidos em Jacarta.

O objetivo é envolver estudantes de escolas de Timor-Leste numa competição de produção de vídeos sobre o ambiente.

“Esta é uma boa oportunidade para os alunos pensarem e apresentarem soluções para os problemas ambientais nas suas escolas”, disse a Ministra.

A Ministra da Educação sublinhou que Timor-Leste é o primeiro país do mundo a incluir a matéria Fraternidade Humana no currículo escolar.

“Anteriormente, Sua Excelência o Presidente da República também participou na assinatura do documento entre o Papa Francisco e o Imam Al-Tayeb. Por isso, a matéria Fraternidade Humana já está incluída no nosso currículo e agora entrou na fase de implementação no 1.º Ano do Ensino Básico”, explicou a Ministra.

Na mesma ocasião, a Representante da Embaixada dos EAU em Jacarta, Sra. Shaima Salem AlHebsi, afirmou que os EAU apoiam este pequeno projeto para dar aos estudantes a oportunidade de produzirem vídeos sobre o ambiente em Timor-Leste.

Ela expressou também o apreço pelos EAU a Timor-Leste, especialmente ao Ministério da Educação, por já ter implementado o programa Fraternidade Humana como parte do currículo de educação.

“Os Emirados Árabes Unidos solicitam ao Ministério da Educação, se houver oportunidade, que continue e fortaleça a cooperação no futuro”, afirmou.

A implementação da Fraternidade Humana no currículo de educação de Timor-Leste é considerada uma iniciativa importante para promover valores como tolerância, respeito, cooperação e paz entre os estudantes.

O Ministério da Educação continua empenhado em integrar valores globais na educação, preparando uma nova geração com caráter, responsabilidade e espírito de fraternidade.

#MÉDIAME

#MinistériodaEducação

#FraternidadeHumana

#CooperaçãoEAU

#EducaçãoTimorLeste