22 Agostu 2026| Delegasaun husi Governu Timor-Leste, 𝐒𝐮𝐚 𝐄𝐱𝐜𝐞𝐥𝐞̂𝐧𝐜𝐢𝐚 𝐒𝐞𝐜𝐫𝐞𝐭𝐚́𝐫𝐢𝐨 𝐝𝐞 𝐄𝐬𝐭𝐚𝐝𝐨 𝐝𝐚𝐬 𝐅𝐥𝐨𝐫𝐞𝐬𝐭𝐚𝐬 𝐄𝐧𝐠. 𝐅𝐞𝐫𝐧𝐚𝐧𝐝𝐢𝐧𝐨 𝐕𝐢𝐞𝐢𝐫𝐚 𝐝𝐚 𝐂𝐨𝐬𝐭𝐚, 𝐒.𝐇𝐮𝐭, toó ona iha kapitál Mongólia nian hodi kumpre konvite ofisiál husi Komité Organizadór ba Segmentu Nivel Altus (High-Level Segment) iha Konferénsia ba Dala Sanulu-resin-hitu husi Nasaun sira ba Konvensaun Nasun Unidas nian hodi Kombate Dezertifikasaun (UNCCD COP17).

Delegasaun Timor-Leste ne'ebé Partisipa iha Konferénsia ba Dala Sanulu-resin-hitu ba Konvensaun Nasun Unidas nian hodi Kombate Dezertifikasaun (UNCCD COP17)maka hanesan, Sua Excelência Secretário de Estado das Florestas(SEF), Akompañia husi Xefe Gabinete SEF, Eng. Cesaltino dos R. de Carvalho “Kololila“, no Sr. Rai Mundo Mau, Tekniku Superior/Eis Diretór Gerál Florestas.

Iha palku mundiál ne'e, bazeia ba moto prinsipál "Restaurasaun Rai, Restaurasaun Esperansa" (Restoring Land, Restoring Hope), Timor-Leste hamriik ho pozisaun metin hodi transforma promesa rejionál sira ba asaun konkreta ba ambientál ida amigavel.

Nudar reprezentante ita-nia nasaun neébe únika nu'udar rai foho no illa ki'ik neébe vulnerabilidade, delegasaun sei partisipa direta iha Diálogu Ministérial Nivel Altus ne'ebé foku ba pilar prinsipál sira ba interese nasionál nian mak hanesan:

• Mekanizmu Finanseiru Inovativu: Defende finansiamentu externa ne'ebé previsitivel, simples, no fasil atu asesu husi Estadu Ki'ik sira (SIDS).

• Seguransa bee no Rai-Bokur: Fahe esperiénsia susesu nian kona-ba restaurasaun bacia hidrográfica krítika sira no habelar jestaun eko-idrolojia komunidade nian.

• Povu no Kbiit Komunidade: Foti aas to'os-na'in lokál sira no ita-nia lei tradisionál Tara Bandu nu'udar kbiit primeiru hodi proteje no jere rekursu nasionál sira.

Nu'udar membru husi Anexu II Rejiaun Ázia-Pasífiku, Timor-Leste hatudu kompromisu tomak hodi hametin lian rejionál ne'ebé unidu hodi kombate dezertifikasaun, degradasaun rai, no bailoro naruk ne'ebé mosu tanba impaktu El Niño. Dezafiu sira ne'ebé ita-nia rai-maran hasoru sai mós prioridade mundiál nian.

Liu husi servisu hamutuk ho parseiru internasionál sira, ita-nia delegasaun sei garante katak finansiamentu mundiál sei fó kbiit duni ba komunidade lokál sira ne'ebé loroloron matan-moris ba ita-nia rai, proteje ita-nia bee, no harii fali esperansa globál