Dili, 18 Agostu 2026

Hafoin partisipa iha reuniaun komite revizaun politika 2027 iha Ministériu Finansas Aitarak Laran Dili. Ministru Transportes no Komunikasaun, Eng.Miguel Marques Gonçalves Manetelu konvoka enkontru ho Xefe Gabinete GPPC, Sabino Henriques, Diretór Jerál Administrasaun no Finansas, Aniceto Leto Soro, Diretór Jerál Transportes, Constantino Ferreira Soares, Diretór Jerál Komunikasaun, Ambrósio Amaral, Diretór DNTT, Nelson Siquiera Martins, Xefe Departamentu Planeamentu, Marçal Pinto iha sala enkontru Gabinete Ministru MTK Kaikoli Dili.

Iha enkontru ne’e Gabinete Planeamentu, Polítika no Kooperasaun (GPPC) halo aprezentasaun no atualiza bá Ministru Transportes no Komunikasaun (MTC), Eng.Miguel Marques Gonçalves Manetelu kona-bá progresu preparasaun GPP 17 – Empregu Dijitál bá Joventude (empregu dijitál no diversifikasaun ekonómika) no GPP 18 – Husi Fibra bá Funsaun (infraestrutura dijitál, modernizasaun Governu no hadi’a prestasaun servisu públiku). MTK, liuhusi GPPC, lidera no koordena prosesu preparasaun ho ministériu, instituisaun relevante sira, inklui rekolla informasaun kona-bá prioridade, atividade, planu implementasaun nomos proposta orsamentu.

Bazeia bá dadus no informasaun ne’ebé rekolla ona, ekipa GPPC prepara dokumentu polítika konsolidadu atu submete bá KRP (Komité Revizaun Polítika) prosesu revizaun nomos aprovasaun.

Enkontru ne’e mós partisipa husi Xefe Gabinete Ministru MTK, José da Costa, Diretór Ezekutivu TIC TIMOR. I.P, Agusto Soares Barreto, Asesór Tékniku Planeamentu, Nelson Pinto Tou, Asesór Téknku Siber Seguransa, Eusebio Guterres, Asesór Jurídiku no Diretór DNTM, Helder Pascoela Maria da Silva.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊