Iha eventu ba feira kareira ne’e hetan partisipa mós husi Primeira Sekretariu Prezidente Autoridade Munisípiu Bobonaro , Domingos da Costa, Representa Komandante PNTL Munisipiu Bobonaro, Jose Lelo Bere, no representa Administradór Maliana, Francisco Leite da Costa, iha Ginasiu Munisipal Bobonaro durante loron rua.

Iha diskursu ne’e representa Sekretariu Estadu ba Formasaun Profissionál no Empregu (SEFOPE), João Correia Pereira hato’o agradese profundu sentimentu kontenti ba iha loron ida ohin ne’e tamba apoio ona programa ida ne’e, no fo ona apoio ba SEFOPE Munisipiu Bobonaro hodi realiza programa ida ne’e.

Primeiru Objetivu husi feirra ida ne’e atu ajuda no apoiu estudantes sira bele prepara sira nia a’an iha abilidade ne’ebé diak hodi kapasita sira nia a’an liu hosi Sentru Formasaun no Universidade sira nune’e bele asesu ba oprtunidade serbisu iha Rai laran nomos rai laran.

Aleinde ida-ne'e tuir politika XI Governo konstitusionál nian, SEFOPE halao prpograma feira kareira no edukasaun ida ne’e hanesan programa regular. Ne’ebe kada tinan sei akontese iha Munisipiu sira hotu. Tamba ita hatene katak estudante sira iha munisipiu, postu no suku sira ladun asesu ba informasaun konaba formasaun profisional sira. Ho nune’e mak SEFOPE iha planu no tau komitmentu ida atu trasa planu hodi fasilita estudante liu husi programa FEIRA KAREIRA NO EDUKASAUN ida ne’e, tenik husi (João Correia Pereira, representa Sekretariu Estadu SEFOPE).

Representa PAM mos husu ba estudante sira atu nafatin hola parte iha atividades sira hanesan FEIRA KAREIRA no EDUKASAUN ida ne’e, tamba bele asesu ba informasaun konaba formasaun sira depois de finaliza husi kadera sekundariu atu nune’e bele hola parte iha Sentru formasaun sira. Representa PAM mos husu ba estudante sira unidade no kria grupu hodi hanoin no tau mehi ba futuru tuir mai. ho nune’e PAM fiar katak wainhira hamutuk hari grupu mak sei diak iha Aldeia, Suku mos sei sai diak no ba to iha Postu no Munisipiu Bobonaro.