Dili, 18 Agostu 2026

Ministru Transportes no Komunikasoens, Eng.Miguel Marques Gonçalves Manetelu, partisipa iha jantar boas-vindas ne’ebé oferese husi Vise-Primeiru-Ministru no Ministru Koordenadór bá Asuntu Ekonómiku, Ministru Turizmu no Ambiente, Francisco Kalbuadi Lay.

‎Jantar ne’e realiza iha Sentru Konvensaun Dili (CCD), nu’udar parte husi programa vizita ofisiál Ministru Defeza Repúblika Populár Xina, Almirante Dong Jun, mai Timor-Leste hodi partisipa iha selebrasaun aniversáriu FALINTIL ba dala 51.

Vise-Primeiru-Ministru, Ministru Koordenadór bá Asuntu Ekonómiku no Ministru Turizmu no Ambiente, Dato' Seri Francisco Kalbuadi Lay, oferese jantar ofisiál hodi fó onra bá Ministru Defeza Nasionál Repúblika Populár Xina, Almirante Dong Jun, durante nia vizita ofisiál iha Timor-Leste.

Vise-PM hato'o boas-vindas no apresiasaun bá vizita Ministru Defeza Nasionál, Dong Jun, Vise-PM subliña importánsia atu kontinua dezenvolve relasaun bilaterál ne'ebé bazeia bá amizade, respeitu no interese komún entre nasaun rua.

Vise-PM afirma Timor-Leste valoriza apoiu no kooperasaun husi Repúblika Populár Xina bá dezenvolvimentu nasaun no espera relasaun bilaterál entre nasaun rua ne'e sei kontinua metin iha futuru.

Ministru Defeza Nasionál, Dong Jun, agradese bá ospitalidade Governu Timor-Leste ho nune'e kompromisu Governu Repúblika Populár Xina kontinua haforsa amizade no kooperasaun ho Timor-Leste.

‎‎Seremónia ne'e konta ho prezensa husi ‎Vise-Ministra Negósius Estranjeirus no Kooperasaun (MNEK), Jesuína Maria Ferreira Gomes, Vise Xefi Estadu Maior Jenerál FALINTIL-Forsa Defeza Timor-Leste (F-FDTL), Maijór Jenerál Calisto Santos "Coliati", Komandante Jerál PNTL, Komisariu Assistente Afonso dos Santos, Embaixadora Repúblika Popular Xina iha Timor-Leste, Wang Wenli nomos Deputadu sira husi Parlamentu Nasionál.

https://sdi.gov.tl/ministerio/presrealease/create

𝐌𝐞́𝐝𝐢𝐚 𝐌𝐓𝐊