10 Agostu 2026: Ministériu Saúde (MdS) Liuhosi Diretor Jerál Servisu Koorporativu (DJSK) Sr. Narciso Fernandes hamutuk ho Reprezentante Organizasaun Mundial Saúde (OMS) Timor-Leste (TL) hala’o serimonia asinatura Memorandu Entendimentu (MoU) hodi hametin kompromisu parseria no kontinua servisu hamutuk no promove saúde, bem-estar povu TL, Iha Salaun Enkontru, Palácio das Cinzas, Caicoli, Dili.

Objetivu hosi asina MoU ne’e sai nu’udar pasu importante ida atu haforsa kooperasaun entre MdS no OMS, liuliu iha apoiu ba prioridade nasional iha área saúde, dezenvolvimentu kapasidade, no haforsa sistema saúde ne’ebé forte, reziliente, asesível no ho kualidade.

Parseria ida-ne’e hatudu kompromisu hamutuk atu apoia esforsu Governu TL ida hadi’a sistema no prestasaun servisu saúde, no kontribui ba garantia asesu povu hotu ba servisu saúde ne’ebé seguru no kualidade.

Partisipa iha serimónia ne’e mak Diretor Jerál, Nasional, Xefe Gabinete, Funsionariu MdS no Seluk-seluk tan.

#MídiaPalácioDasCinzas