12 Agustu 2026: Aleinde partisipa iha Konsellu Ministru (KM) Ministra Saúde (MS) dr. Élia A.A. dos Reis Amaral, SH hamutuk ho Konselho Diretiva Hospitál Nasionál Guido Valadares (HNGV) hala’o aprezentasaun kona-ba Sistema Dijitalizasaun Kartaun Saúde Timor-Leste (TL) ba Primeiru-Ministru (PM) RDTL Kay Rala Xanana Gusmão no Membru Governu, Iha Palásiu Governu, Díli.

Aprezentasaun sistema ne’e nu’udar parte hosi esforsu Ministériu Saúde (MdS) atu moderniza no hadi’a sistema informasaun saúde iha Timor-Leste (TL), fasilita asesu ba dadus pasiente, no aumenta efisiénsia no kualidade prestasaun servisu saúde ba komunidade.