Dili, 14 Agostu 2026; Vise-Ministru ba Operasionalizasaun Ospitál (VMOH-sigla portugés) dr. Flávio Brandão Mendes de Araújo reprezenta Sua Exelénsia Primeiru Ministru RDTL, halo abertura ba atividade Asembleia Nasionál Cruz Vermelha Timor Leste (CVTL) ba da-VI, define direksaun no lideransa foun ba períodu 2026-2030.

“Espíritu CVTL nian espíritu voluntarízmu no umanízmu ne’ebé mak belit metin iha CVTL nia papél servisu loroloron nian iha ita-nia rain, loron ohin asembleia jerál atu hili lideransa CVTL la’ós katak atu hili lideransa CVTL nian de’it maibé mós momentu atu reflete ita-nia lala’ok iha 25 anos nia laran ita reflete ona papél CVTL nian iha espíritu voluntarízmu no umanízmu. No oinsá ohin ba oin ita haree fila-fali ita-nia dikusaun sira iha asembleia jerál ida-ne’e bele rezulta fila-fali meius ida ne’ebé mais di’ak liu ba lideransa foun CVTL”, dehan VMOH.

Asembleia jerál CVTL ne'e hala'o iha salaun Apuramentu Comisaun Nasionál Eleisaun (CNE), Dili no partisipa másimu hosi Head of Cooperation Sra. Kartika Juwita, ICRC Regional Delegation for Indonesia and Timor-Leste Sra. Kathryn Clarkson, IFRC Head of Delegation and Representative to ASEAN (Country Cluster for Indonesia, Brunei Darussalam, Malaysia, Singapore and Timor-Leste); Sr. Adrian Prouse, Head of International Programs, Australian Red Cross (ARC); Sr. Md. Sazzad Ansari, Country Representative, American Red Cross (AmCross); Fundadór CVTL sira.

See les