14 Agostu 2026: Ministra Saúde (MS) dr. Élia A.A. dos Reis Amaral, SH hala’o inagurasaun ba Sentru Saúde Komunitária (SSK) Matebian, Iha Suku Laisorulai, Postu Administrativu Matebian, Munisípiu Baucau.

MS iha nia Diskursu hateten “estabelesimentu SSK Matebian, komunidade iha área Matebian no suku sira ne’ebé besik agora bele asesu ba servisu saúde no atendimentu médiku ne’ebé besik liután.

Sorin Seluk MS mós husu ba profisionál saúde sira atu kuidadu no tau matan ba fasilidade saúde ne’e ho di’ak, hodi garante katak servisu asisténsia médika bele la’o ho di’ak no responde ba nesesidade komunidade.

Fasilidade saúde ne’e tenke kuidadu ho di’ak, tanba nia sei sai fatin importante ida atu fó asisténsia no atendimentu médiku ba komunidade iha área Matebian.”

SSK Matebian hahú konstrusaun iha tinan 2023, ho responsabilidade hosi kompaña lokál Vida Nor, ho totál orsamentu hamutuk US$368,967.97.

Serimónia inaugurasaun ne’e partisipa mós hosi Prezidente Konsellu Kombatentes Libertasaun Nasionál Munisípiu Baucau, Korneliu Gama L7, Polícia Nasionál Timor-Leste (PNTL), Forsa Defesa Timor-Leste (F-FDTL), Diretor Jerál, Nasional, Autoridade lokál, komunidade no Seluk-seluk tan.

#MídiaPalácioDasCinzas