Manufahi, 17Agostu 2026; Vise-Ministru ba Operasionalizasaun Ospitál (VMOH-sigla portugés) dr. Flávio Brandão Mende de Araújo, halo abertura iha semináriu Internasionál ho tema "𝐎𝐂𝐂𝐔𝐏𝐀𝐓𝐈𝐎𝐍𝐀𝐋 𝐇𝐄𝐀𝐋𝐓𝐇 𝐀𝐍𝐃 𝐒𝐀𝐅𝐄𝐓𝐘”, iha salaun IBTL.

Semináriu ne'e organiza hosi Institutu Boaventura de Timor Leste (IBTL), liu husi Fakuldade Ciéncia da Saúde servisu hamutuk ho organizasaun Three Fellas Step Grow (TFSG), ho objetivu atu hasa’e konsiénsia no koñesimentu partisipante sira kona-bá importánsia saúde no seguransa iha ambiente serbisu. Atividade ne’e mos sai oportunidade ida atu fahe koñesimentu, esperiénsia no pratika di’ak kona-ba prevensaun risku no asidente iha fatin serbisu.

Iha abertura semináriu ne'e VMOH enfatiza katak saúde no seguransa iha fatin servisu tenke sai prioridade ba empregadór no traballadór hotu. Ambiente servisu ne’ebé seguru bele ajuda prevene asidente, kanek no moras relasiona ho servisu, no mós bele aumenta produtividade no bem-estar traballadór sira.

Semináriu ne'e oradór espesiál sira mak hanesan, Dessy Widya Merisca S.Kep, MM no Dr. Heru Sutopo SKM,MKM hodi fahe informasaun kona-ba dezafiu no oportunidade iha área saúde no seguransa okupasionál.

Partisipa iha semináriu ne'e mak, instituisaun públika, no privadu, sira hanesan Instituto Politécnico Timor Leste(IPTL), Instituto Superior Cristal Polo Manufahi, Autoridade Munisipio Manufahi, servisu Saude Munisipio Manufahi, APC munisipio Manufahi no sivitas akademik tomak iha IBTL, no parte relevante sira seluk.

See less