20 Agustu 2026-Ministra Saúde (MS) dr. Élia A.A. dos Reis Amaral, SH partisipa iha serimónia komemorasaun aniversáriu ba dala-51 Forsa Armada Libertasaun Nasionál Timor-Leste (FALINTIL), ne’ebé lidera hosi Prezidente Repúblika (PR) nu'udar mós Komandante Supremu F-FDTL, Dr. José Ramos-Horta, hala’o iha fatin istóriku Foho Matebian, Suku Abu, Postu Administrativu Quelicai, Munisípiu Baucau.

Komemorasaun ne’e hahú ho serimónia solene hasa'e bandeira, nu’udar forma atu fó omenajen ba istória no luta povu Timor-Leste nian, liuliu ba kombatente FALINTIL sira ne’ebé fó sira-nia vida no sakrifísiu hodi luta ba independénsia nasionál.

Aniversáriu FALINTIL ba dala-51 nu’udar momentu importante atu hametin memória koletiva, promove unidade nasionál no tranzmite valór patriotizmu, sakrifísiu no servisu ba nasaun ba jerasaun sira tuir mai.

Partisipa iha serimónia ne’e maka Vise-Primeiru-Ministru, Ministru Koordenadór ba Asuntu Ekonómiku no Ministru Turizmu no Ambiente, Dato’ Seri Francisco Kalbuadi Lay, Xefe Estadu-Maiór Jerál F-FDTL, Major-Jenerál Domingos Raúl “Falur Rate Laek, Eis Titular balun, Membru Governu da-9 balun, Veteranu sira, Reprezentante F-FDTL, Diplomata, Autoridade Lokál, Komunidade no Seluk-seluk tán.

#MídiaPalácioDasCinzas