17 Agostu 2026: Ministériu Saúde (MdS) Repúblika Demokrátika Timor-Leste (RDTL) partisipa iha atividade no konsultasaun regional ne'ebé foka ba National Essential Diagnostics List (NEDL) no ASEAN Diagnostic Systems Strengthening and Resilience (ADxSSR) Durante Loron lima (5) hahu husi Loron 17 to’o 21 Fulan Agostu, Iha Brunei Darussalam.

Atividade refere kona-ba NEDL, Timor-Leste aprezenta progresu kona-ba dezenvolvimentu, implementasaun no monitoring NEDL iha nível nasional, NEDL-TL lansamentu iha loron 22 Fulan Jullu Tinan 2026, no agora tama iha fase sosializasaun ba parte relevante.

Iha atividade tuir mai kona-ba ADxSSR, delegasaun TL partisipa ativu iha diskusaun no konsultasaun kona-ba framework, estratégia, implementation readiness no prioridade ba fortalesimentu sistema diagnóstiku iha ASEAN, inklui kontribuisaun kona-ba capacity building, equipment lifecycle management, maintenance, sustainable financing no infraestrutura.

Delegasaun MdS-TL ne'ebé partisipa no kontribui iha atividade sira-ne'e inklui dr. Luduvina Costa Cruz, Diretora Nasional Equipamentu Médiku (DNEM), no Sr. Mario da Costa Coelho Direitor Laboratorium Nasional, ho apoiu hosi ekipa no reprezentante TL iha atividade NEDL.

Partisipasaun Timor-Leste iha forum regional sira-ne'e importante atu:

Partilha esperiénsia no progresu Timor-Leste iha dezenvolvimentu NEDL;

Fó kontribuisaun ba dezenvolvimentu no implementasaun ADxSSR;

Hametin kooperasaun no networking ho ASEAN Member States no parseiru dezenvolvimentu;

Identifika oportunidade ba capacity building no technical assistance; no

Hasa'e kompromisu Timor-Leste atu fortalese sistema saúde, partikularmente iha área diagnóstiku, medical devices no sistema regulatory.

MdS kontinua komprometidu atu hametin sistema saúde nasional liuhosi kooperasaun regional, partilha koñesimentu no adopta abordajen ne'ebé sustentável no bazeia ba evidénsia.

Timor-Leste ba Sistema Saúde ne'ebé Forte, Resiliente no Sustentável.

#MinistériuSaúdeTimorLeste

#TimorLeste

#NEDL

#ADxSSR

#ASEAN

#HealthSystemsStrengthening

#DiagnosticSystems

#MedicalDevices

#MídiaPalácioDasCinzas