Asuntu : MAPPF Realiza Ekontru Harmonizasaun ho Parseiru Desenvolvimentu sira Dili- 23/09/25 Ministério Agrikultura Pekuária Peska no Floresta (MAPPF) realiza enkontru harmonizasaun ho parseiru Dezenvolvimentu sira hodi haree ba setór Agrikultura, Pekuaria, Peska no Floresta. Enkontru ne’e realiza iha Salaun Delta Nova. Iha entrevista Ministru Agrikultura Pekuária Peskas no Floresta Marcos ‘’Mameta’’ da Cruz hatete, enkontru ne’e hanesan harmonizasaun ho parseiru desenvolvimentu sira ne’ebé mak hala’o hela sira-nia servisu iha Timor-Leste oinsa atu bele fahe hanoin hamutuk konaba atividade sira ne’ebe mak halo tina ona no atividade barak mak parseiru desenvolvimentu sira fo apoiu direitamente mai iha MAPPF no mos Organizasaun Noun Govermental (ONG) sira ne’ebe mak sai hanesan implementador ba iha setór Agrikultura Pekuaria Peska no Floresta. Ministru hatutan, Ministériu presiza halo enkontru ho parseiru sira hodi hatene no rona sira nia hanoin konaba atividade saida mak halo ona no problema saida mak sira hasoru iha terenu no Ministériu mós koalia oinsa ba oin bele halo kordenasaun servisu ho diak. ‘’Buat lubuk ida mak ita halo ona iha setór ha’at ne’e, maibe ita mos presiza atu hadia nafatin kordenasaun iha nivél alto no tekniku atu bele halo kontrolu no monitoriza atividade sira ne’ebe mak halo atu bele atinje objetivu ne’ebe mak ita hakarak katak aumenta produsaun iha setór ha’at ne’e mak hanesan agrikultura, pekuaria, peska no mos servisu hamutuk oinsa atu bele konserva no proteje ita nia natureza no biodiversidade sira atu nune’e bele fo benefisiu ekonomiku sosial ba komunidade sira iha Timor-Leste.’’ hateten Ministru MAPPF. Iha fatin hanesan Embaixador Japaun iha Timor-Leste, Tetsuya Kimura hateten importánsia atu akompaña progresu no realizasaun sira iha enkontru Hodi akompaña progresu sira sei bele analiza ho objetivu lakuna sira entre saida maka tenke atinji ona no saida maka atu atinji duni ho medida politika sira inklui iha área produsaun batar, dezenvolvimentu irrigasaun, no reabilitasaun kafé, no seluk tan. ‘’Ami sei apresia atualizasaun sira hosi ita-bo'ot nia ekipa kona-ba progresu no implementasaun estratėjia no haree ba oin hodi atinji ninia realizasaun sira diskute dalan sıra ba kolaborasaun liu tán. Koordenasaun entre parte interesada sira maka krusial atu maximiza impaktu husi projetu sira hotu. Medida politika sira iha área asesu ba merkadu, komersiu, finansas, infraestrutura, ka edukasaun/formasaun bele hametin ho efetivu setór agrikultura. Ami hakarak propoin koordenasaun intergovernamental besik liu ho KONSSANTIL, eskritóriu Ministru Koordenadór ba Asuntu Ekonomiku (MCAE) no Ministru Koordenador ba Asuntu Sosial (MCAS) no entre ministériu xave sira, inklui Ministériu ba Dezenvolvimentu Rural no Habitasaun Komunitária, Ministériu Finansas, Ministériu Administrasaun Estatal, Ministériu Komersiu no Indústria, SECOOP, NLC, INETL, governu lokál sira, nst. Tranzisaun susesu ida ba sistema ida ne'ebé orienta ba merkadu presiza envolvimentu liu MALFF.’’ Katak Embaixador Japaun Nia informa, Kona-ba kestaun hasa'e produsaun no investimentu setór privadu, sira hakarak foka ba tranzisaun husi sistema subsistensia ba sistema modernu, orientadu ba merkadu. Sistema modernu no orientadu ba merkadu mak krusial atu hasa'e produtividade no dudu revitalizasaun ekonómika iha setór agrikultura, pekuária, peska no floresta. Ami hakarak apoia ita bo'ot sira nia ekipa nia esforsu sira atu realiza polítika sira hanesan Planu Dezenvolvimentu Estrategiku (SDP) no prioridade estratejika tinan-lima (2023-2028) no servisu hamutuk atu responde ba dezafiu sira ne'ebé iha liuhusi hametin ita nia kolaborasaun. Ekipa DMEA
Data Publica : 24 Sep 2025
Descrisaun :
