𝗗𝗶𝗹𝗶, 𝟮𝟰 𝗔𝗴𝘂𝘀𝘁𝘂 𝟮𝟬𝟮𝟲 - Ministru Komersiu no Industria Sr. Nino Pereira Prezide Serimónia Abertura ba Programa Treinamentu AI (Artificial Intellegence) husi AIM ASEAN ba MSME sira iha Timor-Leste.

Programa ne’e iha objetivu atu hasa’e koñesimentu no kapasidade ba Mikro, Ki’ik no Média Empreza (MSME) sira atu sai esperta, kompetitivu no reziliente iha ekonomia dijitál sustentável.

AIM ASEAN (AI for Micro, Small and Medium Enterprises in ASEAN) mak inisiativa rejionál ne’ebé finansiadu hotu-hotu, fó oportunidade ba MSME sira no empresáriu sira atu kompriende, adopta no aplika Intelijénsia Artifizial (AI) ho responsabilidade iha sira nia negósiu.

Ministru Nino Pereira fo apresia ba kontribuisaun povu, emprezáriu lokal no parseiru internasionál no reafirma katak Governu sei kontinua fó atensaun boot ba MSME sira hanesan base fundamental ba ekonomia Timor-Leste.

Iha diskursu, Ministru Nino Pereira hateten, Timor-Leste parte husi komunidade Aziátika, no ita presiza ajusta progresu ekonómiku, liuliu iha setór MSME, ne’ebé hetan rekoñesimentu internasionál hanesan forsa motór ba empregu inovasaun no diversifikasaun ekonomia.

“𝘔𝘚𝘔𝘌 𝘴𝘪𝘳𝘢 𝘪𝘩𝘢 𝘱𝘢𝘱𝘦𝘭 𝘪𝘮𝘱𝘰𝘳𝘵𝘢𝘯𝘵𝘦 𝘵𝘦𝘣𝘦𝘴 𝘪𝘩𝘢 𝘬𝘳𝘪𝘢𝘴𝘢𝘶𝘯 𝘦𝘮𝘱𝘳𝘦𝘨𝘶 𝘯𝘰 𝘵𝘳𝘢𝘯𝘴𝘧𝘰𝘳𝘮𝘢𝘴𝘢𝘶𝘯 𝘦𝘬𝘰𝘯𝘰𝘮𝘪𝘢, 𝘩𝘰 𝘬𝘰𝘯𝘦𝘴𝘪𝘮𝘦𝘯𝘵𝘶 , 𝘪𝘯𝘰𝘷𝘢𝘴𝘢𝘶𝘯 𝘯𝘰 𝘬𝘢𝘱𝘢𝘴𝘪𝘥𝘢𝘥𝘦 𝘯𝘦’𝘦𝘣𝘦 𝘥𝘪𝘢𝘬, 𝘴𝘪𝘳𝘢 𝘣𝘦𝘭𝘦 𝘩𝘢𝘳𝘦 𝘖𝘱𝘰𝘳𝘵𝘶𝘯𝘪𝘥𝘢𝘥𝘦 𝘪𝘩𝘢 𝘮𝘦𝘳𝘬𝘢𝘥𝘶 𝘬𝘳𝘪𝘢 𝘦𝘮𝘱𝘳𝘦𝘨𝘶 𝘯𝘰 𝘬𝘰𝘯𝘵𝘳𝘪𝘣𝘶𝘪 𝘣𝘢 𝘋𝘦𝘻𝘦𝘯𝘷𝘰𝘭𝘷𝘪𝘮𝘦𝘯𝘵𝘶 𝘴𝘶𝘴𝘵𝘦𝘯𝘵𝘢𝘷𝘦𝘭.”Heteten Ministru MCI

Treinamentu AIM ASEAN fó oportunidade ba emprezáriu atu aprende kona-ba promosaun dijitál, pagamentu dijitál, embalajen atrativu, asesu merkadu, no estratéjia inovativu atu kompete iha era dijitál.

Entertantu Inisiativa ne’e hetan apoiu husi ASEAN Foundation, ho susténsia husi AVPN no Google.Org, atu fornese abilidade AI ba MSME sira iha rejiaun sudeste Aziatiku. Iha Timor-Leste, Simile Academy mak parseiru implementador lokal ne’ebé responsavel fasilita programa ida-ne’e.

Media MCI

#SimiliAcademy

See less