𝐓𝐢𝐛𝐚𝐫, 𝐋𝐢𝐤𝐢𝐬á, 𝟐𝟔 𝐀𝐠𝐨𝐬𝐭𝐮 𝟐𝟎𝟐𝟔 ||Sekretáriu Estadu Floresta Interinu, 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨, 𝐋𝐢𝐜. 𝐂𝐒𝐇, 𝐋𝐢𝐜. 𝐃𝐢𝐫. 𝐌𝐃, 𝐌.𝐀𝐏,akompaña husi Diretór Nasional Floresta no xefe diresaun sira, halo observasaun direta ba ekosistema ai-parapa (mangrove) no área naturál iha Tibar, Munisípiu Likisá.

Vizita ne’e ho objetivu atu haree diretamente kondisaun atual ekosistema ai-parapa no área naturál sira, inklui potensial no nesesidade atu kontinua proteje no konserva área ne’e.

Ai-parapa iha papel importante ba proteksaun ambiente, liuliu iha proteje zona tasi, habitat ba fauna no flora, no ajuda mantein ekosistema costeiru. Tanba ne’e, área ai-parapa iha Tibar konsidera nu’udar patrimóniu naturál ne’ebé presiza jestaun no konservasaun sustentável.

Sekretáriu Estadu 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨 subliña importánsia atu área ne’e kontinua hetan atensaun husi setor Floresta,Área ai-parapa iha papel importante ba proteksaun ekosistema costeiru, inklui habitat ba várias espésie, proteksaun zona tasi no manutensaun ekilibriu ambientál. Tanba ne’e, konservasaun ai-parapa presiza konsidera hamutuk ho aspeto jurídiku, atu asegura área ne’ebé iha valor ambientál bele hetan protesaun no jestaun tuir lei.

Observasaun direta ne’e mós sai oportunidade atu ekipa téknika haree situasaun iha terrenu no identifika oportunidade no medida ne’ebé presiza atu garante ekosistema ai-parapa no área naturál iha Tibar kontinua protejidu no fó benefísiu ba komunidade no ambiente.

Governu, liuhusi setor Floresta, sei kontinua fó prioridade ba konservasaun no jestaun sustentável ba rekursu naturál, hodi asegura ekosistema ai-parapa no área naturál sira bele proteje ba jerasaun agora no futuru.