𝗗í𝗹𝗶, 𝟮𝟱 𝗔𝗴𝘂𝘀𝘁𝘂 𝟮𝟬𝟮𝟲 – Ministériu Komérsiu no Indústria (MCI), liuhusi Diresaun-Jerál Indústria, reprezenta husi Diretor MPME no Diretor-Jerál Indústria Interinu, Sr. Reinaldo Borges, nu’udar pontu vokal komisaun koordenador ASEAN (ACC) ba MSME, simu vizita delegasaun husi ASEAN Foundation, nu’udar parte husi esforsu hametin koordenasaun no parseria ba implementasaung programa AIM ASEAN iha Timor-Leste.

Vizita ne’e realiza nu’udar parte husi agenda vizita ofisiál ASEAN Foundation ba Timor-Leste, hafoin partisipa iha Serimónia Abertura Ofisiál Programa AIM ASEAN, ne’ebé loke husi Sua Excelénsia Ministro Komérsiu no Indústria, Sr. Nino Pereira, iha Segunda-feira, 24 Agostu 2026. Delegasaun ne’e mos halo observasaun direta ba implementasaun programa AIM ASEAN AI Skills Training ba Micro, Small and Medium Enterprises (MSME) sira iha Timor-Leste.

Enkontru entre MCI no ASEAN Foundation sai nu’udar plataforma importante atu avalia progresu implementasaun Programa AIM ASEAN, hametin mekanizmu koordenasaun no parseria entre parte sira, no identifika oportunidade atu dezenvolve no habelar inisiativa sira ne’ebé bele fó benefísiu ba MSME sira iha Timor-Leste.

Adisionál, enkontru ne’e mos fó énfaze ba esforsu atu hasa’e kapasidade digital MSME sira, liuhusi asesu no utilizasaun Intelijénsia Artifisiál (AI) ho maneira apropriadu no estratéjika.

Kapasitasaun ne’e sei ajuda MSME sira komprende potensial AI no identifika área sira ne’ebé bele aplika iha prosesu negósiu, inovasaun no dezenvolvimentu negósiu iha futuru.

Media MCI

See less