𝐄𝐫𝐦𝐞𝐫𝐚, 𝟏𝟒 𝐀𝐠𝐨𝐬𝐭𝐮 𝟐𝟎𝟐𝟔 – Ministério do Ensino Superior, Ciência e Cultura (MESCC), liu-hosi Instituto Politécnico de Timor-Leste (IPTL), hamutuk ho Escola Superior do Estudo e Investigação do Café (ESEIC), realiza Semináriu Nasionál kona-ba Empreendedorismu Kafé iha ESEIC, Ermera.

Semináriu ne’e hetan partisipasaun hosi Sua Exelénsia Ministru Komérsiu no Indústria, Sr. Filipo Nino Pereira, ne’ebé ofisialmente loke semináriu. Iha serimónia abertura ne'e, marka prezensa mos hosi dirijente sira MESCC nian, reprezentante autoridade lokál iha Ermera, Prezidente IPTL, estrutura ESEIC, dosente no estudante sira.

Semináriu ne’e ho objetivu atu hasa’e koñesimentu no kapasidade estudante sira iha área empreendedorismu kafé, liu-hosi dezenvolvimentu produtu no aumenta valór agregadu ba Kafé Timor. Inisiativa ne’e mós atu motiva no prepara jerasaun foun ba sai empreendedór inovadór, hodi fó kontribuisaun ba dezenvolvimentu sosio-ekonómiku no haforsa setór kafé iha Timor-Leste.

See less