𝐃𝐢𝐥𝐢, 𝟐𝟒 𝐀𝐠𝐨𝐬𝐭𝐮 𝟐𝟎𝟐𝟔 || Sekretáriu Estadu Pekuária (SEPE), 𝐉𝐨𝐬é 𝐕𝐢𝐞𝐢𝐫𝐚 𝐝𝐞 𝐀𝐫𝐚ú𝐣𝐨, 𝐋𝐢𝐜. 𝐂𝐒𝐇, 𝐋𝐢𝐜. 𝐃𝐢𝐫. 𝐌𝐃, 𝐌.𝐀𝐏, realiza enkontru semanal ho Xefe Gabinete, Diretor-Jerál Pekuária, Diretor Nasionál Pekuária no xefe sira husi unidade no direzaun relevante sira, atu diskute no avalia prioridade sira ba dezenvolvimentu setór pekuária iha Timor-Leste.

Enkontru ne'e foka liu ba diskusaun kona-ba 𝐏𝐨𝐥í𝐭𝐢𝐤𝐚 𝐍𝐚𝐬𝐢𝐨𝐧á𝐥 𝐃𝐞𝐳𝐞𝐧𝐯𝐨𝐥𝐯𝐢𝐦𝐞𝐧𝐭𝐮 𝐒𝐞𝐭ó𝐫 𝐏𝐞𝐤𝐮á𝐫𝐢𝐚,inklui estratéjia no orientasaun governu atu haforsa setór pekuária sai produtivu, sustentável no bele kontribui ba seguransa ai-han no ekonomia nasional.

Iha enkontru ne'e, partisipante sira mos koalia kona-ba Planu Dezenvolvimentu Setór Pekuária, ho énfaze ba prioridade programa no atividade sira ne'ebé presiza implementa iha tempu badak, médiu no naruk.

𝐒𝐄𝐏𝐄 subliña katak koordenasaun entre lideransa no direzaun sira importante tebes atu garante programa dezenvolvimentu pekuária bele lao tuir planeamentu, prioridade no nesesidade komunidade sira iha munisípiu sira.

Enkontru semanal ne'e mos sai hanesan espasu ida atu halo avaliasaun ba progresu programa sira, identifika dezafiu sira no buka solusaun hamutuk, nune'e implementasaun polítika no planu dezenvolvimentu setór pekuária bele sai efetivu no fó benefísiu ba komunidade.

𝐒𝐄𝐏𝐄 kontinua fó atensaun ba haforsa servisu institusionál, mellora produtividade no saúde animal, no dezenvolve setór pekuária ida ne'ebé forte, sustentável no orientadu ba nesesidade dezenvolvimentu nasional.