DÍLI , 25/08/2026— Sekretáriu Estadu ESG-ESTV Sr. Domingos Lopes Lemos, Lic, Ed. MM. Loke abertura ofisiál ba Ezame Prova Aptidaun Profisionál (PAP) Akadémiku 2026, ne’ebé hala’o iha Eskola Sekundária Téknika no Vokasionál ESTV-GTI, Becora, Dili.

Iha atividade abertura, Sekretáriu Estadu hato’o mensajen enkorajamentu ba estudante sira ne’ebé partisipa iha ezame PAP, hodi husu atu sira hatudu koñesimentu, abilidade no esperiénsia ne’ebé sira hetan durante prosesu formasaun profisionál.

Sekretáriu Estadu salienta katak estudante sira presiza konsentra no fó resposta ho konfiansa ba pergunta sira ne’ebé júri sei hato’o durante prosesu ezame. Nia mós enkoraja estudante sira atu suporta malu no hala’o ezame ho responsabilidade.

“Imi tenki enkoraja malu, konsentra di’ak ba pergunta sira no fó resposta tuir koñesimentu ne’ebé imi hetan durante tinan sira imi estudu,” hateten Sekretáriu Estadu.

Governante ne’e mós hateten katak Ezame Prova Aptidaun Profisionál iha eskola tékniku vokasionál iha papél importante tebes tanba sai nu’udar instrumentu ida atu sukat estudante nia preparasaun antes sira tama ba etapa avaliasaun nasionál.

Sekretáriu Estadu mós subliña katak PAP iha importánsia boot iha sistema ensinu tékniku no formasaun profisionál, tanba rezultadu husi ezame ne’e bele sai parte importante husi avaliasaun estudante sira antes remata sira-nia formasaun.

“Ezame PAP importante tebes iha eskola tékniku vokasionál. Ida-ne’e mak diferensa entre formasaun téknika no ensinu sekundária jerál, tanba estudante tenki hatudu diretamente sira-nia kapasidade liuhosi projetu no prova prátika,” nia hateten.

Sua exelénsia mós hato’o apresiasaun ba mestre no estudante sira ne’ebé durante tinan barak servisu no aprende hamutuk, hodi prepara estudante sira ba etapa finál formasaun profisionál.

Liuhosi Governu Konstitusionál no Ministériu Edukasaun, Governu kontinua fó atensaun ba dezenvolvimentu edukasaun téknika no formasaun profisionál (TVET), ho objetivu atu prepara juventude Timor-Leste atu tama ba merkadu servisu no kontribui ba dezenvolvimentu nasionál.

Iha parte seluk, estudante sira ne’ebé partisipa iha PAP Akadémiku 2026 sei hala’o prosesu avaliasaun tuir área formasaun ida-idak. Liuhosi prova ne’e, estudante sira sei iha oportunidade atu hatudu sira-nia koñesimentu, abilidade téknika, kriatividade no responsabilidade.

Abertura PAP Akadémiku 2026 ne’e sai mós nu’udar momentu importante ba estudante sira atu demonstra rezultadu aprendizajen ne’ebé sira hetan durante sira-nia formasaun iha ESTV-GTI.

Serimónia abertura ne’e partisipa husi Diretór Nasionál ESTV, Diretór Servisu Edukasaun Munisípiu Dili, Diretora Eskola GTI Becora, mestre no mestra sira, estudante no inan-aman.

#VersaunPortugués

Secretário de Estado do ESG-ESTV preside à abertura oficial do Exame PAP Académico 2026 na ESTV-GTI

Díli, 25 de agosto de 2026 — O Secretário de Estado do Ensino Secundário Geral e do Ensino Secundário Técnico-Vocacional (ESG-ESTV), Sr. Domingos Lopes Lemos, Lic.Ed., MM., presidiu à abertura oficial do Exame de Prova de Aptidão Profissional (PAP) Académico 2026, realizado na Escola Secundária Técnica e Vocacional (ESTV-GTI), em Becora, Díli.

Durante a cerimónia de abertura, o Secretário de Estado dirigiu uma mensagem de encorajamento aos estudantes participantes no exame, apelando-lhes a demonstrarem os conhecimentos, competências e experiências adquiridos ao longo do processo de formação profissional.

O governante salientou a importância de os estudantes se manterem concentrados e responderem com confiança às questões colocadas pelo júri durante o exame. Incentivou igualmente os participantes a apoiarem-se mutuamente e a realizarem a avaliação com sentido de responsabilidade.

“Devem encorajar-se mutuamente, concentrar-se nas perguntas e responder de acordo com os conhecimentos adquiridos durante os anos de estudo”, afirmou o Secretário de Estado.

O Secretário de Estado destacou ainda que o Exame de Prova de Aptidão Profissional desempenha um papel fundamental no ensino técnico e na formação profissional, constituindo um instrumento importante para avaliar a preparação dos estudantes antes de avançarem para as etapas de avaliação nacional.

Sublinhou igualmente que a PAP assume particular relevância no sistema de ensino técnico e de formação profissional, uma vez que os seus resultados podem constituir uma componente importante da avaliação dos estudantes antes da conclusão da respetiva formação.

“O exame PAP é muito importante nas escolas técnicas e vocacionais. É precisamente este elemento que diferencia a formação técnica do ensino secundário geral, uma vez que os estudantes devem demonstrar diretamente as suas capacidades através de projetos e provas práticas”, afirmou.

Na ocasião, Sua Excelência manifestou também o seu apreço pelo empenho dos professores e estudantes que, ao longo dos anos, têm trabalhado e aprendido em conjunto, preparando os jovens para a etapa final da sua formação profissional.

Através do Governo Constitucional e do Ministério da Educação, o Governo continua a reforçar a atenção ao desenvolvimento da educação técnica e da formação profissional (TVET), com o objetivo de preparar a juventude timorense para a integração no mercado de trabalho e para uma participação ativa no desenvolvimento nacional.

Por sua vez, os estudantes que participam no PAP Académico 2026 serão avaliados de acordo com as respetivas áreas de formação. Através desta prova, terão a oportunidade de demonstrar os seus conhecimentos, competências técnicas, criatividade e sentido de responsabilidade.

A abertura do PAP Académico 2026 constituiu, assim, um momento importante para os estudantes demonstrarem os resultados da aprendizagem adquirida ao longo da sua formação na ESTV-GTI.

A cerimónia contou com a presença do Diretor Nacional do Ensino Secundário Técnico-Vocacional, do Diretor dos Serviços de Educação do Município de Díli, da Diretora da Escola GTI Becora, de professores, estudantes e encarregados de educação.

#MediaME

See less