Dili, 26 Agostu 2026 — Ministériu Edukasaun, liuhosi Diretór-Jerál Ensinu Sekundáriu, Sr. Deolindo da Cruz, MPA, hamutuk ho ekipa Parlamentu Nasionál, lansa ofisialmente Programa Parlamentu Foin-Sa’e ba edisaun da-5 ne’ebé realiza iha Uma Fukun Parlamentu Nasionál, Dili.

Programa ne’e, hala’o bazeia ba Rezolusaun Parlamentu Nasionál Nú. 6/2019, sai nu’udar plataforma importante ba formasaun sívika no demokrátika ba estudante sira husi Ensinu Sekundáriu Jerál, Ensinu Sekundáriu Tékniku-Vokasionál no Eskola Centros de Aprendizagem e Formação Escolar (CAFE) iha Timor-Leste.

Iha diskursu abertura, Diretór-Jerál Ensinu Sekundáriu subliña importánsia hosi tema ba edisaun tinan ida-ne’e, “Liberdade Espresaun, Privasidade no Direitu Sidadaun Sira Nian”, ne’ebé konsidera nu’udar aspetu fundamentál iha prátika sidadania iha sosiedade demokrátika moderna.

“Liberdade atu espresa sira-nia hanoin nu’udar baze ba sosiedade livre ida. Maibé, nia ezersísiu ho konxiénsia husu respeitu ba privasidade ema seluk nian no defeza metin ba direitus umanus,” hato’o Deolindo da Cruz.

Nia mós enkoraja estudante sira ne’ebé asume papél nu’udar deputadu foin-sa’e atu uza lian ofisiál rua, Tetun no Portugés, iha prosesu debate no servisu Parlamentu Foin-Sa’e.

“Ba ita-nia deputadu foin-sa’e sira, keta haree esperiénsia ne’e nu’udar ezersísiu simulasaun de’it, maibé haree nu’udar oportunidade reál ida atu hato’o solusaun konkreta ba dezafiu sira ne’ebé juventude no sosiedade ita nian enfrenta. Imi mak reprezenta prezente no futuru Timor-Leste nian,” nia akrexenta.

Programa Parlamentu Foin-Sa’e ba edisaun dala-5 sei hala’o durante loron tolu, liuhosi sesaun plenária no atividade iha komisaun sira. Programa ne’e envolve estudante sira ne’ebé asume papél nu’udar deputadu foin-sa’e, hamutuk ho profesór, ekipa Parlamentu Nasionál no komisaun organizadora.

Inisiativa ne’e pretende fó oportunidade ba estudante sira atu komprende no pratika prosesu parlamentár, dezenvolve kapasidade debate, argumentasaun no tomada desizaun, no hametin valores demokrátikus, sidadania no responsabilidade sosiál entre juventude Timor-Leste.

[PORTU]

MINISTÉRIO DA EDUCAÇÃO E PARLAMENTO NACIONAL LANÇAM PROGRAMA PARLAMENTO JOVEM – 5.ª EDIÇÃO

Díli, 26 de agosto de 2026 — O Ministério da Educação, através do Diretor-Geral do Ensino Secundário, Sr. Deolindo da Cruz, MPA, em conjunto com a equipa do Parlamento Nacional, procedeu ao lançamento oficial da 5.ª edição do Programa Parlamento Jovem, numa cerimónia realizada no edifício do Parlamento Nacional, em Díli.

O programa, implementado com base na Resolução do Parlamento Nacional n.º 6/2019, constitui uma importante plataforma de formação cívica e democrática destinada aos estudantes do Ensino Secundário Geral, Ensino Secundário Técnico-Vocacional e das Escolas Centros de Aprendizagem e Formação Escolar (CAFE) em Timor-Leste.

No seu discurso de abertura, o Diretor-Geral do Ensino Secundário destacou a importância do tema escolhido para a edição deste ano: “Liberdade de Expressão, Privacidade e Direitos dos Cidadãos”, considerando-o um elemento fundamental para o exercício da cidadania numa sociedade democrática moderna.

“A liberdade de expressar opiniões constitui a base de uma sociedade livre. Contudo, o seu exercício consciente exige o respeito pela privacidade dos outros e uma defesa firme dos direitos humanos”, afirmou Deolindo da Cruz.

O responsável incentivou ainda os estudantes que assumem o papel de jovens deputados a utilizarem as duas línguas oficiais, o Tétum e o Português, durante os debates e os trabalhos do Parlamento Jovem.

“Aos nossos jovens deputados, não encarem esta experiência apenas como uma simulação, mas como uma oportunidade real para apresentar soluções concretas aos desafios enfrentados pela juventude e pela nossa sociedade. Vocês representam o presente e o futuro de Timor-Leste”, acrescentou.

A 5.ª edição do Programa Parlamento Jovem decorrerá durante três dias, através de sessões plenárias e atividades desenvolvidas nas comissões parlamentares. A iniciativa envolve estudantes que desempenham o papel de jovens deputados, juntamente com professores, equipa do Parlamento Nacional e a comissão organizadora.

Esta iniciativa pretende proporcionar aos estudantes a oportunidade de compreender e praticar o funcionamento do processo parlamentar, desenvolver capacidades de debate, argumentação e tomada de decisão, bem como fortalecer os valores democráticos, a cidadania e a responsabilidade social entre a juventude timorense.

MediaME

Emílio & Mateus

See less