RAEOA, 17-18-08-2026__Sekretaria Estadu ba Igualdade-SEI liu husi Diresaun Nasionál Polítika Igualdade Jéneru, Exelentíssimu Diretór Nasionál Polítika Igualdade Jéneru (DNPIJ-SEI) Sr. Abílio Barreto, hamutuk ho Diretór Eskola Vokasionál no Koordenador Asuntu Estudantil DIT-KREO, RAEOA, hala’o abertura ba iha Seremónia Sosializasaun kona-ba Prevensaun Violénsia Bazeia ba Jéneru, Kombate Violénsia Bazeia ba Jéneru no Asédiu Seksúal ba Estudante sira iha Eskola Téknika Vokasionál Agríkola no Universidade DIT-KREO, iha Postu Administrativu Pante Makasar, RAEOA Oe-Cusse.

Diretór Nasionál Polítika Igualdade Jéneru (DNPIJ-SEI) Sr. Abílio Barreto, iha nia intervensaun nia koalia kona-ba Politika Igualdade Jéneru no Inkluzasun Sosial ne’ebé sai hanesan preriodade Estadu Timor-Leste, oinsa ema hotu-hotu iha Oportunidade ba Asessu no goja nia benefisiu hanesan iha Porsesu dezenvovimentu nasaun, iha parte seluk lori Sua Exelésia Sekretaria Estadu ba Igualdade nia naran hato’o mos agradesementu ba koolaborasaun no koordenasaun diak husi Sr. Inacio Quebo no Diretór eskola rua tamba ho ida ne’e mak ami bele realiza ami nia atividade iha eskola refere ho susesu.

Objetivu husi seremónia Sosalizasaun ne’e mak, atu hasa’e kuñesimentu Estudante no Komunidade sira kona-ba Igualdade Jéneru, Prevensaun Violénsia Bazeia ba Jéneru, Le Kontra Violénsia Doméstika no Asédiu Seksuál iha Eskola Téknika Vokasionál Agríkola no Universidade DIT-KREO, iha Postu Administrativu Pante Makasar, RAEOA Oe-Cusse.

Atividade Sosializasaun ne’e reraliza husi SEI, no Partisipa husi Estudante sira ne’ebé kompostu husi Feto, 60, Mane, 45 no faslita husi Orador/a sira mai husi ekipa Sekretaria Estadu ba Igualdade mak hanesan Sr. Paul S. Simões ne’ebé Aprejenta kona-ba Konseitu Igualdade Jéneru, Sra. Cecilia V. Cabral Aprejenta kona-ba Materia Prevensaun Violénsia Bazeia ba Jéneru no Sra. Argentina Viegas Aprejenta kona-ba Lei Kontra Violénsia Domestika.