Dili, 20 Agostu 2026_____ Ekipa husi Asosiasaun Feto Hamutuk ho Dezenvolvimentu Covalima, ohin loron 20 fulan-agostu tinan 2026, realiza Enkontru Kortejia ho Sua Exelénsia Sekretária Estadu ba Igualdade-SEI, Elvina Sousa Carvalho, iha gabinete, Caicoli Dili.

Enkontru Kortejia ne’e Ekipa Asosiasaun Feto Hamutuk Dezenvolvimentu Covalima Liderada husi Fundadora Sra. Cecilia Santa Rita no Sra.Venidora Oliveira, no akompaña husi Presidente Asosiasaun AFHDC, Sra. Fatima Amaral Freitas hamutuk ho Membru Asosiasaun AFHDC.

Objetivu fundamentál husi sorumutu ne’e hodi esplika Ejistensia Asosiasaun nian ba Sua Exelénsia Sekretaria Estadu inklui hodi hato’o mos atividade no programa peoriade sira ne’ebe Asosiasaun iha tanba Ejistensia Asosiasaun nia objetivu mak hodi akumula feto Covalina sai fileira ida hodi kontra Diskirminasaun oin-oin hasoru Feto nomos hamoris fila fali atividade kreatividade no talentu Feto Cavalima nian bele kontribui ba dezenvolvimentu Covalima.

Iha sorumutu Fundador AFHDC, Sra.Cecilia Santa Rita, lori ekipa nia naran agradese tebes ba Sekretária Estadu nia disponibilidade hodi bele simu ona ekipa no ida ne’e sai momentu importante ida, tanba Asosiasaun iha vontade boot atu hamoris fila fali kreativa inan-feto sira iha munisipiu Covalima.

Iha enkontru Sua Exelensia Sekretaria Estadu ho ekipa Asosiasaun Feto Dezemvolvimentu Covalima, akompaña husi Xefe Gabinete -SEI, Sra. Srilia Tilman Cardoso no Xefe Departamenteu Partisipasaun Feto iha Politika no Foti Desizaun , Sra. Avia Brito De Araujo Costa.

Araujo Costa.