𝗠𝗲𝘁𝗶𝗻𝗮𝗿𝗼, 𝟯𝟭 𝗔𝗴𝗼𝘀𝘁𝘂 𝟮𝟬𝟮𝟲

Ekipa tékniku Ministériu Obras Públikas liu husi Unidade Inspesaun, Verifikasaun no Pagamentu - UIVP hamutuk ho ekipa Laboratóriu Nasionál MOP, iha loron domingo ne’e sobu moru protesaun ho naruk 140 metru husi total 780 metru ne'ebé konstrui husi Kompañia LUCKY STAR iha Mota Mantelelau, Postu Administrativu Metinaro, Munisípiu Díli.

Ekipa UIVP-MOP ho ekipa LAB MOP bainhira tu'un bá terrenu deteta moru protesaun ne'ebé konstrui husi Kompañia LUCKY STAR iha indikasaun mosu irregularidade bá obra konstrusaun moru protesaun ne'ebé implementa iha Mota Mantelelau.

Hafoin ekipa tékniku MOP deteta irregularidade bá konstrusaun síklope, husi naruk total 780 metru, identifika iha 140 metru mak servisu lá tuir métodu no prosedimentu servisu nian. Prosedimentu ne'e kona-bá mistura betaun ho fatuk no rai-henek. Loloos nia prosedimentu mak 60% betaun-konkretu no 40% fatuk. Aleinde ne'e, medida fatuk ne'ebé kompañia uza lá prienxe kritériu.

Tuir Loloos fatuk nia medida ne'e husi 15 sentímetru to'o 25 sentímetru. Maibé hafoin deteta iha terrenu, badaen sira uza fali fatuk ne'ebé ki'ik liu, lá tuir padraun ne'ebé hatuur iha kontratu. Tanba ne'e, ekipa MOP deside sobu tiha metru 140 ne'ebé lá prienxe rekezitus.

https://sdi.gov.tl/ministerio/presrealease/create

*𝗠𝗶́𝗱𝗶𝗮-𝗠𝗢𝗣*