Iha jogu ida-ne'e, FC S'Amuser hasoru dezafiu boot ida hosi ekipa uma-na'in ne'ebé iha esperiénsia liu iha nivel internasionál, no remata ho pontuasaun 0-10 ba College of Asian Scholars. Maski ho rezultadu ne'e, delegasaun no jogadór sira hatudu espíritu di'ak no kontinua aprende hosi esperiénsia ida-ne'e.

Antes viajen ba Tailándia, FC S’Amuser ho treinadór halo despedida ba Ministru Juventude, Desportu, Arte no Kultura (MJDAK), Nelyo Isaac Sarmento, iha Salaun Magna MJDAK, Lecidere, Dili.

Ministru Nelyo Isaac Sarmento hateten sei fo apoiu nafatin ba FC S'Amuser tanba sira reprezenta Timor-Leste iha jogu futebol feto iha Thailandia, no ida ne’e bele fo kapasidade diak liu tan ba futebol feto iha rai laran.

"Sira reprezenta Timor-Leste. Ha'u hein katak sira bele hatudu buat di'ak iha ne'ebá, hatudu katak feto mós bele," dehan Ministru.

Ministru mos hateten ida ne’e hanesan oportunidade esklusivu ba feto sira atu hatudu sira nia kapasidade iha futebol, no dezeja ba FC S’Amuser atu organiza an diak liu tan, la’os deit atu manan maibe mos atu aprende no informa dezenvolvimentu klube futebol ba jerasaun foun sira.

Esperiénsia hasoru ekipa ne’ebé di’ak iha kompetisaun internasionál sai hanesan baze importante ba dezenvolvimentu futeból feto iha Timor-Leste ba futuru.

JOGU TUIR MAI — GRUPU PRELIMINÁR D:

April 25 SC (Koreia Norte)

Kharaatsai FC (Mongolia)

Mai ita hotu kontinua suporta no anima nafatin FC S'Amuser iha jogu sira tuir mai! Forsa!

Lee mos notísia iha: https://mjdac.gov.tl/.../3871bd64012152bfb53fdf04b401193f/

#TimorLeste #FCSAmuser #AFCWomensChampionsLeague #WomensFootball #MediaMJDAK

Ver menos