Deklarasaun ne'e hato’o iha Semináriu Nasionál komemorasaun Loron Internasionál Juventude, ho tema "Juventude Ohin Loron: Oportunidade no Dezafiu iha Futuru", ne'ebé hala'o iha Salaun Uma Nehe Biti Boot, MJDAK, Lecidere, Dili (11/8).

Tuir dadus dividendu demográfiku ne'ebé fó sai, maioria populasaun Timor-Leste mak joven, no barak liu hela iha área rurál ne'ebé sei limita asesu ba edukasaun, formasaun, no oportunidade traballu.

"Investimentu ba juventude la'os gastu, maibé bele fó retornu ba futuru," dehan Ministru Sarmento.

Nia salienta katak joven ne'ebé la hetan oportunidade atu aprende no tama merkadu traballu — la'os de'it sira mak lakon oportunidade, maibé nasaun tomak mós lakon produtividade no inovasaun.

Atividade ne'e envolve MJDAK, ME, INETL-IP, SEI, SEFOPE, CM-NSH, CNJTL, UNFPA, no estudante husi UNTL no IOB.

Investe ba joven ohin = futuru Timor-Leste ne'ebé forte no sustentável.

#MédiaMJDAK #JuventudeTimor #IgualdadeJenéru #InklusaunSosiál #DividenduDemografiku #LoronInternasionálJuventude

Ver menos