Ministériu Juventude, Desportu, Arte no Kultura (MJDAK) lansa ofisiálmente preparasaun ba atleta nasionál na'in-13 ne'ebé sei reprezenta Timor-Leste iha Asian Games, Nagoya-Japan (19 Set – 4 Out 2026)!

Lansamentu ne'e tuir mandatu Despaxu Nu. 6/MJDAC/VII/2026, ne'ebé kria Komisaun Nasionál Integrada Nivel Altu (KNIA) — komisaun ne'ebé mai husi koordenasaun forte entre MJDAK, CDTL no CONTL:

Prezidente KNIA: David Tomás de Deus (DGD-MJDAK)

Vise-Prezidente I: José Caetano Guterres (CDTL)

Vise-Prezidente II: Vicente da Silva Carvalho (CONTL)

DJSK, João dos Santos, representa governu hodi fó motivasaun ba atleta no treinadór atu esforsu maka'as, treinu ho dedikasaun, no kompete ho korajen hodi hasa'e naran Timor-Leste iha eventu internasionál.

"Governu nafatin iha kompromisu atu prepara atleta ho di'ak ba eventu internasionál sira," dehan João dos Santos iha Hotel Audian Dili.

Governu fó apoiu orsamentu USD 40.000,00 ba preparasaun ne'e.

Atleta na'in-hitu partisipa iha lansamentu Dili, enkuantu na'in-neen seluk kontinua treinu iha rai-liur.

Timor-Leste kontinua dezenvolve desportu nasionál no promove naran nasaun iha eventu internasionál. Suporta ita-nia atleta sira!

#MJDAK #AsianGames2026 #AichiNagoya #Japaun #AtletaTimorLeste #DesportuTimorLeste #CONTL #CDTL #TimorLeste #OrgulluNasaun

Ver menos