Dili, 03 Setembru 2026

Ministru Transportes no Komunikasaun, Eng.Miguel Marques Gonçalves Manetelu, kinta ohin simu vizita kortézia husi Prezidente, CEO husi Vieetel Cybersecurity Nguyen Son Hai iha Gabinete Ministru Transportes no Komunikasaun Kaikoli Dili.

Iha vizita ne’e hala’o mós enkontru ho Ministru Transportes no Komunikasaun, Eng.Miguel Marques Gonçalves Manetelu, hodi ko’alia kona-bá siberseguransa.

“Ohin ami mai aproxima no fahe ami nia esperiensia ho MTC, fiar katak ita sei servisu hamutuk iha tempu oin mai, tanba ami haree Timor nia kabu fibra ótika iha ne'e ona no sai mós hanesan vantajem bot bá iha liur, liu-liu bá ema hanoin a'at sira bele buka dalan oinsá atu estraga infrastrutura estratejiku ida ne'e. Siberseguransa importante tebes" Dehan Prezidente, CEO husi Vieetel Cybersecurity Nguyen Son Hai.

Ministru Manetelu hateten Governu liuhusi MTC no PCM submete ona planu siberseguransa bá parlamentu nasionál hodi hein autorizasaun husi parlamentu nasionál.

“Agora dadaun Ministériu hamutuk ho PCM submete ona planu kona-bá siberseguransa nian iha Parlamentu Nasionál hodi hein Autorizasaun husi PN no ida ne'e MTC no PCM ho Governu sei hahú kria Lei ou Dekretu lei bá siberseguransa, Dekretu lei bá Protesaun Dadus nomos Lei bá Cyber space. Ha’u mós ko’alia ona ho Embasadór Vietnam iha Dili kona-bá atu asina MoU entre MTC ho Ministru Komunikasaun no Teknolojia Vietnam, hodi haree mós bá asuntu siberseguransa nian, karik iha tinan ida ne'e Ministeriu sei haruka Tékniku sira bá tuir formasaun iha Vietnam kona-bá siberseguransa" hateten Ministru Manetelu.

Siberseguransa Importante Tebes Proteje ita-nia dadus, sistema no futuru dijitál. Seguransa dijitál mak responsabilidade ema hotu nian.

• Proteje dadus no informasaun importante.

• Prevene ema lá autorizadu tama bá sistema.

• Ajuda instituisaun no empresa kontinua servisu ho seguransa.

• Aumenta konsiénsia ema hotu kona-bá seguransa dijitál.

https://sdi.gov.tl/ministerio/presrealease/create

Média MTK